पुणे येथील शिरूर तालुक्यातील निमोणे-करडे हद्दीत बिबट्याचे दर्शन झाल्याने परिसरात भीतीचे वातावरण निर्माण झाले आहे. स्थानिक नागरिकांनी बिबट्याला मुक्तपणे फिरताना व्हिडिओ काढला असल्याने ग्रामस्थांमध्ये मोठी दहशत पसरली आहे. या घटनेनंतर नागरिकांनी सावधगिरी बाळगण्याचे आवाहन करण्यात येत आहे. विशेषतः रात्रीच्या वेळी घराबाहेर न पडणे, तसेच लहान मुलांना आणि जनावरांना सुरक्षित ठिकाणी ठेवण्याचे आवाहन प्रशासनाकडून करण्यात येत आहे.
