धुळे तालुक्यातील सांजोरी गावामध्ये शुक्रवारी बिबट्याच्या हल्ल्यामध्ये सात बकऱ्या ठार झाल्या होत्या, त्यामुळे गावकऱ्यांमध्ये घबराट पसरली होती. गावकऱ्यांनी वनखात्याकडे बिबट्याला कैद करावे अशी मागणी केल्यानंतर सायंकाळी वन त्याच्या वतीने पिंजरा लावत सापळा रचला. या पिंजऱ्यामध्ये भक्ष ठेवल्यानंतर शनिवारी सकाळी बिबट्या या पिंजऱ्यात कैद झाला. दोन ते अडीच वर्षाचा हा बिबट्या असून त्याला पकडल्यामुळे गावकऱ्यांनी समाधान व्यक्त केलं. त्यानंतर बिबट्याला पाहण्यासाठी गावकऱ्यांनी मोठी गर्दी केली होती.
