मालेगाव शहरातून वाहणारी मोसम म्हणजेच मोक्षगंगा नदी सध्या गटारगंगेत रूपांतरित झाल्याचे चित्र दिसत आहे. महापालिका प्रशासनाच्या उदासीनतेमुळे नदीत मोठ्या प्रमाणावर प्लास्टिक व कचरा साचला असून नदीचे स्वरूप नाल्यासारखे झाले आहे. विशेष म्हणजे दरवर्षी मंत्री दादा भुसे यांच्या पुढाकाराने मोक्षगंगा स्वच्छता मोहीम राबवली जाते. मात्र, स्वच्छता मोहीम झाल्यानंतरही काही दिवसांत नदीची पुन्हा तीच स्थिती होत असल्याने नागरिकांनी प्रश्न उपस्थित केला आहे.
