आज सकाळी मुंबईतील भांडुप परिसरात बेस्ट बसचा अपघात झाल्याची घटना समोर आली आहे. कोकणनगर येथील क्रिटिकल रुग्णालयाजवळ भरधाव बेस्ट बसने पादचाऱ्यासह अनेक वाहनांना धडक दिली होती. बस चालकाने अचानक नियंत्रण गमावल्याने हा अपघात झाल्याचे समोर आले होते. आता या अपघाताचा व्हिडिओ समोर आला आहे. यात इलेक्ट्रिक बेस्ट बसच्या पाठीमागच्या बाजूला अडकलेल्या पादचाऱ्याला बाहेर काढण्यासाठी प्रवाशांनी अख्खी बस ढकलली असल्याचे समोर आले आहे.
