जळगावच्या चाळीसगाव बाजार समितीत लाल कांद्याची मोठ्या प्रमाणावर आवक झाल्याने कांद्याच्या दरात घसरण सुरूच आहे. रात्रंदिवस मेहनत करून पिकवलेल्या कांद्याला बाजारात कवडीमोल दर मिळत असल्याने कांदा उत्पादक शेतकरी हवालदिल झाला आहे. आवक वाढल्यामुळे लाल कांद्याला किमान ३०० रुपये, सरासरी ९५० रुपये तर जास्तीत जास्त १२०० रुपये प्रति क्विंटल दर मिळाला. सध्या मिळणाऱ्या नीचांकी दरामुळे शेतकऱ्यांचा उत्पादन खर्चही वसूल होणे कठीण बनले आहे.
