परभणीच्या जिंतूर शहरातील येलदरी जाणाऱ्या महामार्गावर डिझेल नसल्याने संतप्त झालेल्या शेतकऱ्यांनी रस्ता रोको केल्याची घटना घडली आहे. डिझेल मिळत नसल्याने संतप्त शेतकऱ्यांनी रात्री उशिरा हा रास्ता रोको केला. इंधन मिळत नसल्याने संतप्त शेतकऱ्यांची यावेळी सरकारच्या विरोधात जोरदार घोषणाबाजी केली. शेतकरी अचानक रस्त्यावर उतरल्याने रस्त्यावर वाहनाच्या लांबच लांब रांगा लागल्याचे चित्र होते.
