शिवजयंतीच्या सुट्टीमुळे पुणे-मुंबई एक्स्प्रेस हायवेवरील बोरघाट आणि खंडाळा घाटात वाहतूक मंदावली आहे. मोठ्या संख्येने वाहने रस्त्यावर आल्याने वाहतूक संथ गतीने सुरू असून, मुंबईहून पुण्याकडे येणाऱ्या लेनवर वाहनांची वाढती संख्या लक्षात घेता महामार्ग पोलिसांनी १५-१५ मिनिटांचे ब्लॉक घेतले आहेत. यामुळे दोन्ही बाजूंनी वाहनांच्या लांबच लांब रांगा लागल्या आहेत, ज्यामुळे प्रवाशांना विलंब आणि गैरसोयीचा सामना करावा लागत आहे.
