बुलढाणा जिल्ह्यातल्या सुनगाव येथील श्री आवजी सिद्ध महाराजांचा आगळा वेगळा भंडारा महाप्रसाद संपन्न झाला. तब्बल दीडशे क्विंटल ज्वारीची भाकरी आणि 25 क्विंटल उडदाच्या डाळीचे वरण, अशा प्रकारे महाप्रसादाचे स्वरूप असून ज्वारीच्या भाकरी तयार करण्याचे काम पंचक्रोशीतील महिलाच करतात. उडदाची डाळ ही हौदात तयार केली जातेय. या महाप्रसादाचे वैशिष्ट्य म्हणजे जोपर्यंत संपूर्ण महाप्रसाद तयार होत नाही, तोपर्यंत कुणीही महाप्रसाद सेवन करत नाही ..
