अकोला जिल्ह्यातल्या हिवरखेड येथे दुपारनंतर झालेल्या जोरदार वादळी वारा आणि मुसळधार पावसामुळे हिवरखेड पोलीस स्टेशनच्या ऐतिहासिक जुन्या इमारतीचे मोठे नुकसान झाले असून वाऱ्याच्या तडाख्याने इमारतीवरील टीन पत्रे उडून गेले. सुदैवाने यामध्ये कोणतीही जीवितहानी झाली नाही. अनेक वर्षांपासून ही इमारत जीर्ण अवस्थेत असून पोलीस कर्मचारी जीव मुठीत धरून कर्तव्य बजावत आहेत. या घटनेनंतर पोलीस स्टेशनच्या नव्या इमारतीचा प्रश्न पुन्हा ऐरणीवर आला आहे.
