पाकिस्तानव्याप्त जम्मू आणि काश्मीरमधील (POJK) पाकिस्तानी लष्कराने केलेल्या अत्याचाराविरोधात लंडनमध्ये हजारो काश्मिरी नागरिकांनी एकत्र येत भव्य निषेध मोर्चा काढला. 'पार्लमेंट स्क्वेअर' ते 'ट्रॅफलगर स्क्वेअर' दरम्यान काढण्यात आलेल्या या मोर्चात आंदोलकांनी पाकिस्तानी सैन्याविरोधात 'क्रांती' आणि "पाकिस्तानी सैन्य चालते व्हा" अशा घोषणा दिल्या. आंदोलकांनी पाकिस्तानव्याप्त काश्मीरमधील 'जॉईंट अवामी ॲक्शन कमिटी'च्या (JAAC) आंदोलनाला जाहीर पाठिंबा देत तेथील नागरिकांसाठी मूलभूत मानवी हक्कांची मागणी केली आहे. या प्रदेशात पाकिस्तानकडून पसरवल्या जाणाऱ्या दहशतवादाचा आणि दडपशाहीचा आंदोलकांनी तीव्र शब्दांत निषेध केला आहे.
