संपूर्ण राज्यात महिलांकडून वटपौर्णिमा मोठ्या उत्साहात साजरी होत असताना सिंधुदुर्गात मात्र आगळीवेगळी वटपौर्णिमा पाहायला मिळत आहे. जन्मोजन्मी हाच नवरा मिळू दे म्हणून महिला आजच्यादिवशी वडाची पूजा करतात. मात्र सिंधुदुर्गात गेल्या 17 वर्षांपासून पुरुषांकडून वटपौर्णिमा साजरी केली जाते आणि जन्मोजन्मी हीच पत्नी लाभू दे अशी प्रार्थना केली जाते. कुडाळ गवळदेव येथे गेल्या 17 वर्षांपासून न चुकता वटपौर्णिमेला पुरुषमंडळी महिलांप्रमाणे यथासांग विधिवत वडाची पूजा करून, वडाला फेऱ्या मारून वटपौर्णिमा साजरी करतात. नेहमी पत्नीनेच व्रत करायचं या रुढीला छेद देत पुरुषांच्या या अनोख्या धाडसी पावला बद्दल सर्वत्र कौतुक केले जात आहे.
