यवतमाळच्या घाटंजी येथील मेन लाईन परिसरामध्ये असलेल्या महाराष्ट्र बँकेचे एटीएम फोडण्याचा प्रयत्न चोरट्यांनी केला. त्याचवेळी घाटंजी पोलीस पेट्रोलिंग करीत असताना त्यांना एटीएम फुटल्याचे लक्षात आले. त्यावेळी त्यांनी शोधाशोध केली असता चोरटा एटीएम च्या मागे लपलेला आढळून आला. त्याची चौकशी केली असता त्याने एटीएम फोडल्याची कबुली दिली आणि चोरट्याला गजाआड करण्यात पोलिसांना यश आले.
