येवला येथील पैठणी हातमाग विणकरांच्या प्रलंबित मागण्यांवर अखेर केंद्र आणि राज्य सरकारने सकारात्मक दखल घेत मोठा दिलासा दिला आहे. अनेक दिवसांपासून प्रलंबित असलेला “उत्सव भत्ता” मंजूर करण्यात आला असून तो थेट विणकरांच्या बँक खात्यात जमा झाल्याने “भारतीय जनता पार्टी विणकर प्रकोष्ट यांच्या वतीने ढोल ताशांच्या गजरात एकमेकांना पेढे भरवत आनंद उत्सव साजरा केला. प्रकोष्टचे प्रदेशाध्यक्ष मनोज दिवटे यांनी विणकर बांधवांसाठी सातत्याने या करीता पाठपुरावा केला होता. त्यांच्या या पाठपुराव्याला यश आल्याने विणकर महिलांना पंधरा हजार रुपये तर पुरुषांना दहा हजार रुपये असा हा उत्सव भत्ता विणकारांच्या खात्यात जमा होत आहे. पंतप्रधान नरेंद्र मोदी, मुख्यमंत्री देवेंद्र फडणवीस तसेच वस्त्रोद्योग मंत्री संजय सावकारे यांना धन्यवाद देणारे फलक यावेळी विणकर बांधवांनी झळकवले.
