बीड जिल्ह्यात यावर्षी दुष्काळाचे सावट पसरले असून यामुळे पिकांचे उत्पादन अतिशय कमी होणार आहे. परिणामी आता मूग, उडीद सोयाबीन व तूर यासारख्या पिकांचे दर दुप्पट झाल्याचे पाहायला मिळत आहे. गतवर्षी या काळात मूग, उडीद, सोयाबीनची शेकडो क्विंटल आवक बीडच्या बाजारपेठेमध्ये होत होती ती आता काही क्विंटल मध्ये होत असल्याने हे दर वाढले आहेत. तुर पिकाचे अद्याप काढणी बाकी असली तरी तुरीचे पीक आताच हातून गेल्याचे दिसत असल्याने उपलब्ध असलेल्या तुरीचे दर वाढल्याचे व्यापाऱ्यांनी सांगितले.
