CBSE 10th Results 2022: केंद्रीय माध्यमिक शिक्षण मंडळाच्या (CBSE) 10 वी आणि 12 वीच्या परीक्षा घेण्यात आल्या आहेत. दहावी आणि बारावीचे एकूण 35 लाख विद्यार्थी आता परीक्षेचा निकाल जाहीर होण्याची आतुरतेने वाट पाहत आहेत. मीडिया रिपोर्ट्सनुसार बोर्डाच्या एका वरिष्ठ अधिकाऱ्याने सांगितले की, सीबीएसईची मूल्यांकन प्रक्रिया वेळापत्रकानुसार सुरू असून जुलैच्या शेवटच्या आठवड्यात दहावी आणि बारावीच्या बोर्डाच्या परीक्षांचे निकाल (CBSE 10th 12thResults 2022) जाहीर केले जाऊ शकतात. बोर्ड cbse.gov.in आपल्या अधिकृत वेबसाइटवर (Official Website) अधिसूचना जारी करण्याची शक्यता आहे.
दहावी-बारावीच्या परीक्षेचा निकाल उमंग ॲपच्या अधिकृत वेबसाईटवर उपलब्ध होणार आहे. उमंग (युनिफाइड मोबाइल ॲप्लिकेशन फॉर न्यू-एज गव्हर्नन्स) हे केंद्र व राज्य सरकारच्या सेवांमध्ये प्रवेश करण्यासाठी इलेक्ट्रॉनिक्स आणि माहिती तंत्रज्ञान मंत्रालयाचे एक मोबाइल ॲप आहे. या माध्यमातून विद्यार्थ्यांना आपला निकाल पाहता येणार आहे. अधिकाऱ्याने सांगितले की, “डिजिलॉकरच्या माध्यमातून विद्यार्थ्यांना त्यांच्या मार्कशीटमध्ये त्वरित प्रवेश करता येईल.”
या वर्षी एकूण 21,16,209 विद्यार्थ्यांनी CBSE 10 वीची परीक्षा दिली. CBSE 10 वी टर्म 2 ची परीक्षा 75 विषयांमध्ये घेण्यात आली. 12 वीच्या वर्गाची परीक्षा 114 विषयांमध्ये घेण्यात आली.