कोलकाता: पश्चिम बंगालचं राजकीय वातावरण विधानसभा निवडणुकीमुळे ( West Bengal assembly election 2021) चांगलंच ढवळून निघालय. बंगालमधील सत्ताधारी पक्ष ऑल इंडिया तृणमूल कांग्रेस (AITMC) सलग तिसऱ्यांदा सत्तेत येण्यासाठी प्रयत्न करतेय. तर दुसरीकडे भाजपनं (BJP) बंगालचा गड सर करण्यासाठी मोठी ताकद लावलीय. राज्यातील 294 विधानसभा मतदरासघांपैकी कृष्णा नगर उत्तर विधानसभा (Krishnanagar Uttar ) जागेवर टीएमसीने कौशनी मुखर्जी ( Koushani Mukherjee) यांना संधी दिलीय. भाजपनं या जागेवर ममता बॅनर्जींचे एकेकाळचे सहकारी मुकुल रॉय (Mukul Roy) यांना उमेदवारी दिली आहे. (Krishnanagar Uttar Election Result 2021 LIVE Counting and Updates West Bengal)
काँग्रेसनं कृष्णा नगर उत्तर विधानसभा मतदारसंघातून सिल्वी साहा यांना उमेदवारी दिलीय. कृष्णा नगर उत्तर विधानसभा मतदारसंघात एकूण सात उमेदवार मैदानात आहेत. पश्चिम बंगालच्या विधानसभेत एकूण 294 जागा असून तिथे बहुमतासाठी 148 जागा निवडून येणं आवश्यक आहे.
पश्चिम बंगालच्या नादिया जिल्ह्यातील कृष्णा नगर उत्तर विधानसभा मतदारसंघात गेल्या दोन टर्म पासून तृणमूल काँग्रेसचं वर्चस्व आहे. २०१६ मध्ये तृणमूलच्या अबनी मोहन जोदार यांनी काँग्रेस उमदेवार असीम कुमार साहा यांचा १२९१५ मतांनी पराभाव केला होता. अबनी मोहन यांना ८२८६४ आणि असीम कुमार यांना ६९९४९ इतकी मतं मिळाली होती. भाजप त्यावेळी तिसऱ्या क्रमांकावर राहिला होता. त्यांच्या उमेदवाराला २६ हजार मतं मिळाली होती.
2016 च्या विधानसभा निवडणुकीत या विधानसभा मतदारसंघाची संख्या २१९३८३ इतकी होती. तर, १८८०७४ मतदारांनी मतदान केलं होतं. त्यावेळी विधानसभा मतदारसंघात २६८ मतदान केंद्र बनवण्यात आली होती. गेल्या निवडणुकीत ८६ टक्के मतदान झालं होतं. हा विधानसभा मतदारसंघ २०११ च्या निवडणुकीपासून अस्तित्वात आला. इथं तृणमूल काँग्रेसचं वर्चस्व पाहायला मिळालेलं आहे.
विद्यमान आमदार: अबनी मोहन जोदार
मिळालेली मतं: 82864
एकूण मतदार: 219383
मतदानाची टक्केवारी: 85.73 फीसदी
एकूण उमेदवार-7
संबंधित बातम्या:
कोरोनाचा कहर सुरुच, तृणमूल काँग्रेसचे उमेदवार काजल सिन्हांचं निधन, ममता बॅनर्जींकडून शोक व्यक्त
(Krishnanagar Uttar Election Result 2021 LIVE Counting and Updates West Bengal)