Health tips : पावसाळ्यात ‘हे’ विशेष चहा बनवा नित्यक्रमाचा भाग; कधीच होणार नाही सर्दी-खोकला आणि फ्लूचा त्रास!

चहा (फाईल फोटो)

Image Credit source: Google

मुंबई : पावसाळा आला की, सेाबत सर्दी, खोकला आणि फ्लूचा (Cough and flu) आजार घेवूनच येतो. त्यात कधी कामानिमीत्त बाहेर पडल्यावर तर, कधी उगाच पावसात सापडल्याने पावसात भिजणे आले. विकेंड भटकंतीवर असले अन्‌ पाऊस आलाच तर तो यथेच्छ भिजण्याचा आनंद घेवूनच आलेला असतो. भिजून झाल्यानंतर मात्र, दुसरा दिवस सर्दी-खोकला आणि ताप ठरलेला. अशा वेळी आपण काही आरेाग्यदायी चहांचे सेवन (Consumption of healthy tea) केले तर, आरोग्यासाठी अत्यंत लाभदायक ठरतात. चहा ही अशीच एक गोष्ट आहे ज्याशिवाय आपला दिवस सुरू होत नाही. गरमागरम चहा आणि पिणे सर्वांनाच आवडते, विशेषतः पावसाळ्यात. चहाचे फायदे आपल्या सर्वांना माहित आहेत. चहा तुम्हाला रिफ्रेश करण्यासोबतच दिवसभर एनर्जी (Energy throughout the day) देण्याचं काम करतो. आजही बहुतेक लोक दुधासोबत नियमित चहा पितात, परंतु कदाचित तुम्हाला माहित नसेल की, चहाचे अनेक आरोग्यदायी पर्याय आहेत. जर तुम्हाला चहा पिण्याची आवड असेल तर तुम्ही हे आरोग्यदायी पर्याय वापरून पाहू शकता.

सुंठाचा चहा

औषधी गुणधर्मांनी समृद्ध अशा सुंठाची पावडर तुम्हाला बाजारात सहज मिळेल. हे बनवताना पाण्यात धणे, काळीमिरी, जिरेपूड आणि साखर वापरा. हा आरोग्यदायी चहा सकाळी लवकर प्या.

तुळशीचा चहा

सर्दी आणि कफ याच्या समस्येपासून सुटका मिळवण्यासाठी तुळशीचा वापर फार पूर्वीपासून केला जातो. तुम्हाला हवे असल्यास पावसात तुळस घालून दुधाचा चहा किंवा काळा चहा पिऊ शकता. हा चहा तुमची प्रतिकारशक्ती वाढवेल आणि तुम्हाला सर्दी होण्यापासून वाचवेल.

जेष्ठमध चहा (मुलेठी)

घसादुखीच्या उपचारासाठी स्वदेशी पद्धतींपैकी एक म्हणजे जेष्ठमध चहाची कृती. तुम्ही दुधाशिवाय जेष्ठमध (लिकोरिस) चहा बनवू शकता आणि पावसाळ्यात दररोज सेवन करू शकता.

कॅमोमाइल चहा

हा एक प्रकारचा हर्बल चहा आहे, जो जगभरातील लोक निरोगी राहण्यासाठी दररोज पितात. विशेष म्हणजे ते आता बाजारात सहज उपलब्ध आहे. कॅमोमाइल चहा प्यायल्याने तुमची रोगप्रतिकारक शक्ती सुधारेल आणि आरोग्याशी संबंधित समस्या तुमच्यापासून दूर राहतील.

काळा चहा

काळा चहा जगातील लोकप्रिय चहापैकी एक आहे. या चहासोबत तुम्ही आले आणि वेलची वापरू शकता. काळ्या चहाला जपानमध्ये रेड टी म्हणून ओळखले जाते. हा चहा प्यायल्याने मधुमेह, उच्च कोलेस्ट्रॉल, किडनी स्टोन आणि इतर आजारांचा धोका कमी होतो.

गवती चहा

हर्बल चहामध्ये कोरडी औषधी वनस्पती, फळे, फुले, आले, पेपरमिंट, हिबिस्कस फुले, लिंबाचा रस मिसळून तयार केला जातो. या चहामध्ये चहाची पाने वापरली जात नाहीत. त्यात कॅफिन नसते. या चहाला औषधी वनस्पती आणि फुलांचा वास येतो. नियमित चहापेक्षा हर्बल चहा पिणे अधिक फायदेशीर आहे. यासोबतच ते आजारांपासूनही दूर राहण्यास फायदेशीर आहे.