दिल्ली : आफ्रिकन देश असलेल्या काँगोतील एका क्रूर घटनेची तक्रार थेट संयुक्त राष्ट्र सुरक्षा परिषदेत (UNSC)करण्यात आली आहे. अतिरेक्यांनी या महिलेसह केलेले कृत्य अंगावर काटा आणणारे आहे. या अत्याचाराला बळी पडलेली महिला बलात्कार पिडीत आहे. UNSC च्या विशेष बैठकीत हे धक्कादायक वास्तव मांडण्यात आले.
काँगो देशात अतिरेक्यांनी धुमाकूळ घातला आहे. विशेषत: अतिरेक्यांकडून महिलांवर भयानक अत्याचार केले जात आहेत. महिला हक्क गट आणि फीमेल सॉलिडॅरिटी फॉर इंटिग्रेटेड पीस अँड डेव्हलपमेंट (SOFEPADI) च्या अध्यक्ष ज्युलियन लुसेंग यांनी या अत्याचाराला UNSC च्या विशेष बैठकीत(United Nations Security Council) वाचा फोडली.
अतिरेक्यांनी पिडीत महिलेचे अपहरण करुन तिला बंधक बनवून ठेवले होते. या दरम्यान अतिरेक्यांनी महिलेवर अनेकदा बलात्कार केला. या महिलेसमोरच अतिरेक्यांनी एका पुरुषाचा गळाही कापला. यानंतर अतिरेक्यांनी क्रूरतेचा कळस गाठला. मृतदेहाचे आतडे बाहेर काढून अतिरेक्यांनी महिलेला ते आतडे शिवजवायला लावले आणि जबरदस्तीने ते खायला भाग पाडले. यानंतर अतिरेख्यांनी महिलेची सुटका केली. मात्र, घरी आल्यावर अतिरेक्यांच्या दुसऱ्या एका गटाने पुन्हा एकदा या महिलेचे अपहरण केले आणि तिच्यावर बलात्कार करुन तिला सोडून दिले. या घटनेनंतर पिडीत महिला गायब झाली असल्याचे लुसेंग यांनी सांगीतले.
काँगोची लोकसंख्या ७ कोटीच्या आसपास आहे. डेमोक्रॅटिक रिपब्लिक ऑफ काँगोमध्ये, सरकारी सैन्य आणि दहशतवादी यांच्यात जवळपास 20 वर्षांपासून संघर्ष सुरु आहे. काँगो हा महिलांसाठी जगातील सर्वात असुरक्षित किंवा धोकादायक देश समजला जातो. काँगो देशा दिवसाला 1,152 महिलांवर बलात्कार होतात. 2011 च्या अहवाला ही धक्कादायक माहिती उघड झाली होती.
2006-07 मध्ये येथील सत्ता संघर्ष शिगेला पोहोचला होता. तेव्हा काँगोच्या उत्तर किवू प्रांतातील गोमा या मोठ्या शहराला जगाची बलात्काराची राजधानी म्हटले गेले. येथे दर तासाला 48 महिलांवर बलात्कार झाल्याची माहिती समोर येत आहे. 2006 ते 2007 दरम्यान 4 लाख महिलांवर बलात्कार झाल्याचे वृत्त एका अमेरिकन जर्नलने दिले होते.