ठाणे : आई-वडिलांना सुखी ठेवण्यासाठी चक्क 14 वर्षाच्या मुलीने घर (girl left home for america) सोडले. मी अमेरिकेत जाऊन काम करणार, मात्र व्हीजा काढण्यासाठी पैसे पाहिजेत. त्यामुळे इयत्ता सहावीच्या वर्गात शिकणारी मुलगी दफ्तर घेऊन मध्यप्रदेशहून थेट कल्याणला आली. यावेळी ती एका महिला पोलिसांच्या नजरेत आली. त्यानंतर पोलिसांनी तिला तिच्या कुटुंबाकडे सुपूर्द केले (girl left home for america) आहे.
दोन दिवसापूर्वी कल्याण वाहतूक महिला पोलीस अधिकारी सुनिता राजपूत हिला एक मुलगी संशयास्पद स्थितीत दिसून आली. सुनिता राजपूत यांनी या मुलीला महात्मा फुले पोलिसांच्या ताब्यात दिले. पोलिसांनी पुढील चौकशी सुरु केली. मुलीच्या शालेय दफ्तराची तपासणी केली. त्यावेळी ही मुलगी मध्यप्रदेशमधील झोरा गावातील असल्याचे समोर आले.
यानंतर पोलिसांनी मुलीच्या गावातील पोलीस ठाण्यात संपर्क केला. तेव्हा त्यांना कळले की, ही मुलगी त्याच गावातील आहे. या मुलीचा शोध त्या गावचे पोलीस करत होते. महात्मा फुले पोलिसांनी तिच्या आईला कल्याणला बोलावून घेतले. तिच्या आईसोबत मध्यप्रदेशचे पोलिसही होते.
मुलीला तिच्या आईच्या ताब्यात देण्यात आले आहे. सुदैवाने ही पोलिसांच्या नजरेत पडली म्हणून तीचा शोध लागला. अन्यथा तिच्यासोबत अनुचित प्रकार घडू शकला असता.