PHOTO : क्रिकेटर मनीष पांडे ‘या’ अभिनेत्रीसोबत लग्नबेडीत
टीम इंडियाचा फलंदाज मनीष पांडे दाक्षिणात्य अभिनेत्री आश्रिता शेट्टीसोबत आज (2 डिसेंबर) विवाहबंधनात अडकला. विशेष म्हणजे मनीष पांडेच्या कर्नाटक संघाने काल (1 डिसेंबर) रात्री सूरतमध्ये सईद मुश्ताक अली टी-20 करंडकाचे विजेतेपद पटकावले.
मनीषच्या नेतृत्वात कर्नाटक संघाने तामिळनाडू संघाचा अंतिम सामन्यात एक धावांनी पराभव केला. तामिळनाडूचा पराभव करुन कर्नाटक संघाने सईद मुश्ताक अली टी-20 सामन्यात विजय मिळवला.
मुंबईतील एका फाईव्हस्टार हॉटेलमध्ये मनीषचा विवाहसोहळा पार पडला. उद्या (3 डिसेंबर) रिसेप्शन होणार आहे. या रिसेप्शनला अनेक दिग्गज खेळाडू उपस्थित राहणार असल्याची शक्यता वर्तवली जात आहे.
मनीष पांडेने विवाहसोहळ्यात क्रीम कलरची शेरवानी घातली होती. तर आश्रिताने लाल रंगाची सिल्क साडी घातली होती. यासोहळ्या आश्रिता आणि मनीषच्या कुटुंबीयाशिवाय त्यांचे जवळचे मित्र उपस्थित होते.
आश्रिता शेट्टी दाक्षिणात्या चित्रपटसृष्टीतील स्टार अभिनेत्री आहे. तिने ओरु कन्नियुम, उड्डयम एनएच 4, इंद्रजीत सारख्या चित्रपटांमध्ये काम केले आहे.