मुंबई : अभिनेता अजय देवगणच्या बहुचर्चित तान्हाजी द अनसंग वॉरियर (Tanhaji The Unsung Warrior Box office collection) या सिनेमाची प्रेक्षकांवर भुरळ कायम असल्याचं दिसतंय. कारण अवघ्या तीन दिवसात 60 कोटींपेक्षा जास्त कमाई करणाऱ्या या सिनेमाने (Tanhaji The Unsung Warrior Box office collection) चौथ्या दिवशीही आपली कमाईतील घोडदौड कायम ठेवली आहे. चौथ्या दिवशी या सिनेमाने तब्बल 13.75 कोटी म्हणजे जवळपास 14 कोटी रुपयांची कमाई केली. सोमवार असूनही या सिनेमाला प्रेक्षकांनी भरभरुन पसंती दिल्याचं पाहायला मिळालं. त्यामुळे या सिनेमाच्या चार दिवसातील कमाईचा आकडा 75.68 कोटी रुपयांवर पोहोचला आहे. ट्रेड अॅनालिस्ट तरन आदर्श यांनी कमाईचे आकडे जाहीर केले.
#Tanhaji is unstoppable on Day 4… Collects in double digits, despite lower ticket rates at multiplexes on weekdays… Day 4 numbers are better than Day 1 at several centres… Fri 15.10 cr, Sat 20.57 cr, Sun 26.26 cr, Mon 13.75 cr. Total: ₹ 75.68 cr. #India biz. ???
— taran adarsh (@taran_adarsh) January 14, 2020
तान्हाजी द अनसंग वॉरियर सिनेमाने पहिल्या दिवशी म्हणजे शुक्रवारी 15.10 कोटी, दुसऱ्या दिवशी शनिवारी 20.57 कोटी आणि रविवारी 26.08 कोटी असे पहिल्या विकेंडला 61.75 कोटी रुपयांची कमाई केली. त्यामध्ये आता सोमवारी चौथ्या दिवशी 13.75 कोटी रुपयांची भर पडल्याने कमाईचा आकडा 75.68 कोटी रुपयांवर पोहोचला आहे. त्यामुळे मराठमोळा दिग्दर्शक ओम राऊतचा हा सिनेमा यंदाच्या वर्षातील पहिला ब्लॉकबस्टर सिनेमा ठरला आहे.
छपाकची कमाई किती?
महत्त्वाचं म्हणजे तान्हाजी द अनसंग वॉरियर या सिनेमासोबत दीपिका पदुकोणचा छपाक आणि रजनीकांतचा दरबार हे दोन सिनेमेही रिलीज झाले होते. मात्र तान्हाजी द अनसंग वॉरियर सिनेमावर प्रेक्षकांनी पसंतीची मोहोर उमटवल्याचं चित्र आहे. छपाक सिनेमाने पहिल्या दिवशी अवघी 4.77 कोटी रुपयांची कमाई केली होती. छपाकला पहिल्या तीन दिवसात 20 कोटी रुपयांचाही गल्ला जमवण्यात अपयश आलं आहे. छपाकला पहिल्या दिवशी 4.77 कोटी, दुसऱ्या दिवशी 6.90 कोटी, तिसऱ्या दिवशी 7.35 कोटी आणि सोमवारी चौथ्या दिवशी अवघे 2.35 कोटी रुपयेच कमावता आले. छपाकची चार दिवसातील एकूण कमाई 21.37 कोटींवर पोहोचली आहे.
#Chhapaak slips on Day 4… Biz is limited to a few premium multiplexes of urban centres… Continues to non-perform at Tier-2 and 3 cities and also mass belt… Fri 4.77 cr, Sat 6.90 cr, Sun 7.35 cr, Mon 2.35 cr. Total: ₹ 21.37 cr. #India biz.
— taran adarsh (@taran_adarsh) January 14, 2020
कोणत्या सिनेमाला किती स्क्रीन?
तान्हाजी हा सिनेमा एकूण 4540 स्क्रीनवर रिलीज झाला आहे. यामध्ये भारतात 3880 तर परदेशात 660 स्क्रीन्सचा समावेश आहे. हा सिनेमा हिंदी आणि मराठी भाषेत 2D आणि 3D मध्ये रिलीज झाला आहे.
दुसरीकडे छपाक हा भारतात 1700 तर परदेशात 460 अशा एकूण 2160 स्क्रीन्सवर प्रदर्शित करण्यात आला आहे.
(Tanhaji The Unsung Warrior Box office collection)