सातारा: सहलीसाठी आलेल्या मुलाच्या डोक्यात वडाच्या झाडाची पारंबी पडल्याने मृत्यू झाल्याची धक्कादायक घटना घडली. प्रज्वल गायकवाड असे या विद्यार्थ्याचे नाव आहे. तो फलटण तालुक्यातील आलगुडेवाडी इथला रहिवासी होता. प्रज्वलसह अनेक विद्यार्थी वडाच्या झाडाला लोंबकळून झोके घेत होते. त्यावेळी अचानक झाडाची पारंबी त्याच्या अंगावर कोसळली. यामध्ये त्याचा दुर्दैवी अंत झाला. साताऱ्यातील जावळी तालुक्यातील वडाचे म्हसवे इथं ही धक्कादायक घटना घडली.
सहलीला गेलेल्या विद्यार्थ्याचा असा दुर्दैवी मृत्यू झाल्याने सर्वांनाच धक्का बसला. शिक्षक आणि विद्यार्थी हादरुन गेलेत.