मुंबई-नाशिक महामार्गावरील जुन्या कसारा घाटात अपघात झाला आहे. एक कंटेनर घाट चढत असताना घाटातच पलटी झाला आहे. MH 04 JK 7602 या नंबरचा कंटेनर पलटी होऊन अपघातग्रस्त झाला.
कंटनेर चालकाचा कंटेनरवरील ताबा सुटून हा अपघात घडला आहे. घाट चढत असताना चालकाना गाडी कंट्रोल करता आली नाही आणि गाडीवरील नियंत्रण जाऊन घाटात कंटेनर पलटी झाला.
कंटेनर पलटी होऊन चालक गंभीर जखमी झाला आहे. गंभीर जखमी झालेल्या चालकाला तत्काळ इगतपुरीतील रुग्णालयात दाखल करण्यात आलं असून सध्या त्याच्यावर उपचार सुरु आहेत.
कसारा घाट चढत असताना टोप बार जवळ हा अपघात घडला. या अपघाताची माहिती मिळाल्यानंतर तत्काळ पोलिसही घटनास्थळी दाखल झाले. अपघातामुळे वाहतुकीची कोंडी होऊ नये, यासाठी पोलिसांनी तत्काळ खबरदारी घेतली.