पाच वर्षांपूर्वी दोन जुळे, आता तिळ्यांना जन्म, जुन्नरमध्ये महिलेची यशस्वी प्रसुती

new born baby

पुणे : पहिल्या दोन जुळ्या मुली झाल्यानंतर पाच वर्षांनी तिळ्यांना जन्म दिल्याची घटना समोर आली आहे. पुण्यातील जुन्नर तालुक्यात ही घटना घडली आहे. विशेष म्हणजे बाळ आणि बाळंतीण दोघेही सुखरुप आहेत. जुन्नरमध्ये वैशिष्ट्यपूर्ण आणि दुर्मिळ घटना घडली आहे. (Pune Junnar Women Three New Born Baby Deliver successful delivery after twins)

जुन्नर तालुक्यातील हिवरे खुर्द येथे राहणाऱ्या एका दाम्पत्याला पहिल्या दोन जुळ्या मुली झाल्या आहेत. त्यानंतर पाच वर्षांनी 21 जूनला साडेदहा वाजता त्या महिलेने तीन बाळांना जन्म दिला आहे. जुन्नरमधील श्री हॉस्पिटल मॅटर्निटी होममध्ये तिची डिलिव्हरी झाली आहे.

महिलेची यशस्वीरित्या प्रसूती

डॉ अविनाश वसंत पोथरकर आणि त्यांच्या पत्नी डॉ. मुक्तांजली अविनाश पोथरकर यांच्या होमिओपॅथी ट्रीटमेंटमुळे या महिलेची यशस्वीरित्या प्रसुती झाली. यावेळी 34 वर्षीय जोत्स्ना विठ्ठल वाईकर यांनी दोन मुले एक मुलगी अशा तिळ्यांना जन्म दिला आहे.

बाळ आणि बाळंतीण दोघांची प्रकृती सुखरुप

विशेष म्हणजे पाच वर्षांपूर्वी ज्योत्स्ना वायकर यांना दोन जुळ्या मुली झाल्या होत्या. त्यानंतर अनेक वेळा प्रयत्न करूनही त्यांना गर्भधारणा होत नव्हती. त्यानंतर त्यांच्या जवळच्या नातेवाईकांनी डॉक्टर पोथरकर यांच्याबाबत माहिती घेतली. त्या माहितीनुसार त्यांनी होमिओपॅथी ट्रीटमेंट घेतली. या उपचारानंतर त्यांनी पहिल्या दोन जुळ्या मुली नंतर तब्बल पाच वर्षांनी तिळे झाले आहे. सध्या बाळ आणि बाळंतीण दोघांची प्रकृती सुखरुप आहेत. (Pune Junnar Women Three New Born Baby Deliver successful delivery after twins)

संबंधित बातम्या : 

राजगड किल्यावर रोपवे बांधू नका, आदित्य ठाकरेंना पुण्यातल्या चिमुकल्या साईशाचं भावनिक पत्र

विधिमंडळाचं पावसाळी अधिवेशन पूर्णकाळ चालवा, भाजप आमदाराचं मुख्यमंत्र्यांना पत्र

अजितदादांच्या कार्यक्रमातील गर्दी राष्ट्रवादीच्या कार्यकर्त्यांना भोवणार, शहराध्यक्षांसह 100 ते 150 कार्यकर्त्यांवर गुन्हा