Shiv Sena meeting LIVE : मंत्री संजय राठोड यांचं मंत्रिपद राहणार की नाही, मुख्यमंत्र्यांची महत्त्वाची बैठक

राठोड प्रकरणावर रणनिती आखण्यावर चर्चा झाली, मात्र संजय राठोडांच्या राजीनाम्यावर अद्याप कोणताही निर्णय

राजीनाम्यावर तूर्तास चर्चा नाही, अधिवेशनाचं कामकाज कसं करायचं? या विषयावरुन मुख्यमंत्री उद्धव ठाकरे आणि एकनाथ शिंदे यांच्यात चर्चा झाल्याची माहिती सूत्रांनी दिली आहेय

“संजय राठोड अवघड जागेवरचं दुखणं झालंय, राष्ट्रवादी आणि काँग्रेसला देखील त्याचा जबाब द्यावा लागतोय. प्रसारमाध्यमातून रोज नवनवीन बातम्या समोर येत आहेत. पोलीस कोणाच्या तरी दबावात आहेत ते जवळपास निश्चित झालंय. जितक्या लवकर संजय राठोड राजीनामा देतील तेवढं बरंय, जेवढा उशिर होईल तेवढा त्याचा इम्पॅट राहणार नाही. जर सीबीआयपर्यंत हे प्रकरण गेलं तर पूजा आत्महत्या प्रकरणापर्यंत मर्यादित राहणार नाही, शिवसेनेच्या अनेक दिग्गज नेत्यांना त्याचा फटका बसू शकतो, याशिवाय केंद्र सरकार आणि केंद्रीय यंत्रणाचा संबंध सर्वश्रूत आहे”, अशी प्रतिक्रिया राजकीय विश्लेषक अशोक वानखेडे यांनी दिली.

मुख्यमंत्री उद्धव ठाकरे यांचं शासकीय निवासस्थान असलेल्या वर्षा बंगल्यावर शिवसेनेच्या नेत्यांच्या बैठकीला सुरुवात झाली आहे. या बैठकीला मुख्यमंत्री उद्धव ठाकरे, नगरविकास मंत्री एकनाथ शिंदे उपस्थित आहेत.