बऱ्याचदा आपण ऐकतो की, लग्नाच्या गाठी स्वर्गात बांधल्या जातात, असंच काहीसं आसावरी आणि अभिजीत सोबत घडताना दिसतंय.
सोहम वाईट वागून देखील आसावरीच्या प्रेमासाठी अभिजीत राजे त्यांची सगळी प्रॉपर्टी सोहमच्या नावाने करून आसावरीसह एका चाळीत राहायला जातात.
उदरनिर्वाहासाठी अभिजीत राजेंनी सुरु केलेल्या नवीन पावभाजीच्या गाडीची चर्चादेखील होतेय आणि त्यामुळे सोहमचा जळफळाट होतोय.
आता याच प्रवासात आणखी एक योगायोग घडणार आहे. अभिजीत राजे आणि आसावरी या दोघांचाही वाढदिवस एकाच दिवशी असणार आहे.
अभिजीतने आसावरीसाठी एक सरप्राईझ प्लॅन केलं आहे. ते चाळीतल्या लोकांना बोलावून आता हीच आपली फॅमिली आहे, असे सांगत संपूर्ण चाळीसोबत हा खास दिवस साजरा करणार आहेत.
अभिजीत आसावरी चाळीतल्या या नवीन परिवारासोबत केक कापून वाढदिवस साजरा करणार आहेत.