श्रावण महिन्यानंतर अंडी-चिकन महागणार
गेल्या काही काळात महागाई व अन्य कारणांमुळे कोंबड्यांना देण्यात येणारे खाद्य दुप्पटीने महाग झाले आहे. कोंबड्यांना मुख्यत: सोयाबीन आणि मक्याचा आहार दिला जातो. | Egg Chiken
-
-
इंधन दरवाढ आणि महागाईमुळे अगोदरच घायाकुतीस आलेल्या सामान्य नागरिकांच्या अडचणीत आता आणखीनच भर पडण्याची शक्यता आहे. कारण, श्रावण महिन्यानंतर चिकन आणि अंड्याच्या दरात मोठी वाढ होण्याची शक्यता वर्तविली जात आहे.
-
-
बाजारपेठेतील जाणकारांच्या अंदाजानुसार येत्या काही दिवसांमध्ये अंडी आणि चिकनच्या दरात 20 ते 25 टक्क्याची वाढ होऊ शकते. कुक्कुटपालनाच्या खर्चात वाढ झाल्याने ही दरवाढ अटळ असल्याचे मानले जात आहे.
-
-
गेल्या काही काळात महागाई व अन्य कारणांमुळे कोंबड्यांना देण्यात येणारे खाद्य दुप्पटीने महाग झाले आहे. कोंबड्यांना मुख्यत: सोयाबीन आणि मक्याचा आहार दिला जातो. या दोन्ही पिकांचा भाव वधारल्याने कोंबड्यांचे खाद्य महागले आहे.
-
-
सोया मीलची किंमत 35 रुपये प्रतिकिलोवरुन 90 रुपये प्रतिकिलोपर्यंत पोहोचली आहे. तर मक्याचा भाव प्रतिकिलो 21 रुपयांवरुन 40 रुपयांपर्यंत पोहोचला आहे.
-
-
या सगळया घटकांमुळे कोंबड्यांच्या उत्पादनाचा खर्च 75 रुपयांवरून 100 रुपयांवर गेला आहे. उत्पादन खर्चातील या वाढीमुळे अंडी आणि चिकनचे दर 20 ते 25 टक्क्यांनी वाढतील असा अंदाज आहे.