हनिमूनला गेलेल्या खासदार संगमा पतीसोबत संसदेत, सुट्टी रद्द करण्यामागील कारण…..
नागरिकत्व संशोधन विधेयक बुधवारी संसदेत सादर करण्यात आलं. प्रचंड गदारोळात हे विधेयक लोकसभेत मांडण्यात आलं.
खासदार अगाथा संगमा यांचा गेल्या महिन्यात पॅट्रिक रोंग्मा मारक यांच्याशी विवाह झाला. त्यानंतर खासदार संगमा पतीसोबत हनिमूनला गेल्या होत्या. मात्र सभागृहात हजर राहण्याचे आदेश मिळाल्यानंतर, खासदार संगमा यांनी पुढची सुट्टी रद्द करुन, त्या दिल्लीत परतल्या. संगमा पतीसोबत थेट संसदेत पोहोचल्या.
- नागरिकत्व संशोधन विधेयक बुधवारी संसदेत सादर करण्यात आलं. प्रचंड गदारोळात हे विधेयक लोकसभेत मांडण्यात आलं. हे विधेयक सादर करण्यापूर्वी भाजपने आपल्या सर्व खासदारांना दोन्ही सभागृहात हजर राहण्याचे आदेश दिले होते. जे खासदार अनुपस्थित होते, त्यांना संरक्षण मंत्री राजनाथ सिंह यांनी हजर राहण्याचे आदेश बजावले होते.
- राजनाथ सिंहांचं फर्मान मिळाल्यानंतर, मेघालयातील तुरा या मतदारसंघातील खासदार अगाथा संगमा तातडीने दिल्लीत दाखल झाल्या. महत्त्वाचं म्हणजे भाजपचा मित्रपक्ष नॅशनल पिपल्स पार्टीच्या खासदार असलेल्या अगाथा संगमा या हनिमूनला गेल्या होत्या. हनिमून सोडून त्या तातडीने दिल्लीत परतल्या.
- खासदार अगाथा संगमा यांचा गेल्या महिन्यात पॅट्रिक रोंग्मा मारक यांच्याशी विवाह झाला. त्यानंतर खासदार संगमा पतीसोबत हनिमूनला गेल्या होत्या. मात्र सभागृहात हजर राहण्याचे आदेश मिळाल्यानंतर, खासदार संगमा यांनी पुढची सुट्टी रद्द करुन, त्या दिल्लीत परतल्या. संगमा पतीसोबत थेट संसदेत पोहोचल्या.
- मेघालयासाठी नागरिकत्व सुधारणा विधेयक अत्यंत महत्त्वाचं आहे. त्यामुळे खासदार अगाथा संगमा तातडीने संसदेत दाखल झाल्या. या विधेयकाला मेघालयात प्रचंड विरोध होत आहे. निवडणुकीच्या दृष्टीने संगमा यांच्या पक्षासाठी हे अत्यंत महत्त्वाचं आहे. संगमा यांचा पक्ष भाजपसोबत आहे, मात्र तरीही स्थानिक पातळीवर त्यांच्या पक्षाचा नागरिकत्व सुधारणा विधेयकाला विरोध आहे.
- जर संगमा यांनी ठरवलं असतं तर या सर्व गदारोळातून स्वत:ला अलिप्त राहू दिलं असतं. मात्र त्यांनी तसे न करता, हनिमून त्यागून त्या संसदेत परतल्या.