दिग्गज गायक कुमार सानूचा लेक जान कुमार सानू सध्या ‘बिग बॉस’च्या घरात कैद झाला आहे. सगळे टास्क उत्तम खेळत तो तूफानी सिनिअर्सचा लाडका बनला आहे.
‘बिग बॉस 14’च्या घरात नुकताच जुन्या आठवणींना उजाळा देण्याचा टास्क पार पडला. त्यात स्पर्धकांनी आपापल्या जीवनाविषयी काही गोष्टी सांगितल्या. त्यावेळी जाननेही आपल्या बालपणीच्या आठवणींना उजाळा दिला.
आई सहा महिन्यांची गर्भवती असतानाचा माझ्या पालकांनी एकमेकांपासून वेगळे होण्याचा निर्णय घेतला होता, असे जान कुमार सानूने जास्मीन भसीन, सारा गुरपाल आणि निक्की तंबोली यांच्याशी बोलताना सांगितले.
माझ्यासाठी माझी आईच वडिलांची भूमिका निभावते. ते दोघे वेगळे झाल्यानंतर माझ्या आईनेच माझा सांभाळ केला आहे.
बिग बॉसच्या घरात येताना, माझ्या आईची काळजी कोण घेईल? याची चिंता मला होती, असे जान म्हणाला.
जीवनात प्रेम एकदाच होते आणि आपण एकनिष्ठ राहिले पाहिजे. याबाबतीत मी एकदम आईसारखाच आहे, असे तो म्हणाला.
जानच्या बिग बॉस एंट्रीने खुश झालेल्या कुमार सानूने सोशल मीडियावर व्हिडीओ शेअर करत त्याला शुभेच्छा दिल्या आहेत.