आवडत्या कॉफीसाठी वाट वाकडी करुन महादेव जानकर टपरीवर

दुग्धविकास मंत्री महादेव जानकर यांना त्यांची आवडती कॉफी घेण्याचा मोह आवरला नाही. त्यांनी चहा, कॉफी पिणं सोडलंय, पण तरीही त्यांनी आवडती कॉफी घेतलीच.

राष्ट्रीय महामार्ग सहावरील कारंजा घा शहरात तहसील कार्यालयाच्या बाजूला प्रसिद्ध अंबादास चहा कॉफी कँटीन आहे. या छोट्याशा टपरीवर अनेक जण कॉफी घेण्यासाठी येतात.

ही कॉफी अनेकांची आवड झाली असल्याने कॉफी प्यायल्याशिवाय लोक पुढे जात नाहीत. असाच प्रकार आज खुद्द महाराष्ट्र राज्याचे पशुसंवर्धन कॅबिनेट मंत्री महादेव जानकर यांच्या बाबतीत घडला.

जानकर कॉफी पिण्यासाठी कँटिनला गेले. यापूर्वी ते येथे कॉफी घेण्यासाठी आले होते. काही महिन्यांपूर्वी त्यांनी कॉफी आणि चहा पूर्णपणे बंद केला असल्याचं सांगितलं. पण नागपूर येथून अमरावतीला कार्यक्रमानिमित्त जात असताना कारंजा शहरातून ते पुढे निघाले.

पुढे निघाल्यानंतर मंत्री महोदयांना कॉफीचा मोह आवरला नाही. कॉफी घेण्यासाठी ते परत आले.

कॉफी घेताना मी चहा कॉफी सोडला आहे, तरी तुमच्याकडली कॉफी घेण्यासाठी परत आलो, असं कँटिन मालक अंबादास ठावळे यांना जानकरांनी सांगितलं.

Choose your language

आवडत्या कॉफीसाठी वाट वाकडी करुन महादेव जानकर टपरीवर

Network