PHOTO : नालासोपाऱ्यात रेल्वेरोको, धुमश्चक्री आणि लाठीचार्ज

मुंबई: पुलवामा दहशतवादी हल्ल्याचे (Pulwama Attack) तीव्र पडसाद देशभरात उमटत आहेत. मुंबईजवळच्या नालासोपारा (Nallasopara) इथं संतप्त नागरिकांनी चार तासापासून रेल्वे रोखून निषेध व्यक्त केला.

संतप्त नागरिकांना पोलिसांनी लाठीचार्ज करुन रेल्वेट्रॅकवरुन बाजूला केलं. नागरिकांनी थेट रेल्वे ट्रॅकवर उतरुन त्यांनी रेल्वे रोखली. एकही रेल्वे मुंबईच्या दिशेने जाऊ दिली नाही. खून का बदला खून अशी मागणी करत, पाकिस्तानला चोख उत्तर देण्याची मागणी हे संतप्त नागरिक करत होते.

सकाळी 8 वाजल्यापासून रेल्वे रोखण्यात आली. पोलिसांनी संतप्त नागिरकांना हटवण्याचा प्रयत्न केला, मात्र या आंदोलनात मोठ्या प्रमाणे नागरिक उतरत होते.

हळूहळू नागरिकांची संख्या वाढली आणि संतप्त जमावाचा उद्रेक होऊ लागला.

जवळपास दहा हजार नागरिक नालासोपारा रेल्वेट्रॅकवर जमल्याचा अंदाज पोलिसांनीच व्यक्त केला.

नागरिक रेल्वे ट्रॅकवरुन हटत नसल्याने पोलिसांना लाठीचार्ज करावा लागला.

जमाव हाताबाहेर जात असल्याचं पाहून दुपारी एकच्या सुमारास पोलिसांनी आंदोलकांवर लाठीचार्ज केला.

पोलिसांनी लाठीचार्ज केल्यानंतर नागरिकांनीही दगडफेक केल्याचं सांगण्यात येत आहे.

जवळपास दहा हजाराच्या जमावावर पोलिसांनी हल्ला चढवला.

जमाव हाताबाहेर जात असल्याचं पाहून पोलिसांनी आक्रमक पवित्रा घेत, आंदोलकांवर लाठीचार्ज केला.

सकाळी आठपासून दुपारी दीडपर्यंत हा सर्व थरार रंगला.

Choose your language

PHOTO : नालासोपाऱ्यात रेल्वेरोको, धुमश्चक्री आणि लाठीचार्ज

Network