Rishi Kapoor | ऋषी कपूर अनंतात विलीन, भरल्या डोळ्यांनी कुटुंबियांकडून निरोप
लॉकडाऊनमुळे अंत्यसंस्कारावेळी कुटुंबीय आणि जवळचे नातेवाईक वगळता अन्य कोणालाही उपस्थित राहण्याची परवानगी नव्हती.
- बॉलिवूडचे ज्येष्ठ अभिनेते ऋषी कपूर अनंतात विलीन झाले. त्यांच्या पार्थिवावर मुंबईतील मरीन लाईन्स इथल्या चंदनवाडी स्मशानभूमीत अंत्यसंस्कार करण्यात आले.
- यावेळी मुलगा-अभिनेता रणबीर कपूर, पत्नी-अभिनेत्री नीतू सिंग यांच्यासह कुटुंबातील 20 जण उपस्थित होते.
- ऋषी कपूर यांचं आज सकाळी (गुरुवार 30 एप्रिल 2020) निधन झालं. ल्यूकेमिया अर्थात रक्ताच्या कर्करोगावरील उपचारादरम्यान त्यांची प्राणज्योत मालवली.
- गिरगाव भागात असलेल्या ‘सर एच. एन. रिलायन्स फाउंडेशन’ हॉस्पिटलमध्ये सकाळी 8 वाजून 45 मिनिटांनी त्यांनी अखेरचा श्वास घेतला.
- लॉकडाऊनमुळे अंत्यसंस्कारावेळी कुटुंबीय आणि जवळचे नातेवाईक वगळता अन्य कोणालाही उपस्थित राहण्याची परवानगी नव्हती.
- रणबीर कपूरने वडिलांच्या अंत्यसंस्कारांना उपस्थित राहण्यासाठी लॉकडाऊनच्या काळात प्रवास करण्याची परवानगी मुंबई पोलिस आयुक्तांकडे मागितली होती.
- अनुकंपा तत्त्वावर कपूर कुटुंब, नातेवाईक आणि मित्रपरिवारातील 20 जणांना प्रवासाची संमती मिळाली होती.
- ॠषी कपूर यांची कन्या रिद्धिमा कपूर दिल्लीत होती. तिलाही दिल्लीतून मुंबईला येण्याची परवानगी मिळाली, मात्र ती अंत्यसंस्काराला पोहोचू शकली नाही
- ऋषी कपूर यांच्या निधनाने बॉलिवूडवर शोककळा पसरली