कसा आहे स्टॅच्यू ऑफ युनिटी?

सरदार वल्लभभाई पटेल यांच्या स्टॅच्यू ऑफ युनिटीचं 31 ऑक्टोबरला पंतप्रधान नरेंद्र मोदी यांच्या हस्ते लोकार्पण झालं. जगातील सर्वात मोठा पुतळा राष्ट्राला समर्पित करण्यात आला. तब्बल 182 मीटर उंच असलेल्या या पुतळ्याचा लोकार्पण सोहळाही तितकाच भव्य आणि दिव्य करण्यात आला. मोदींनी उद्घाटन भाषणात सरदार पटेलांना वंदन करतानाच, त्यांच्या पुतळ्यावरुन टीका करणाऱ्या विरोधकांना लक्ष्य केलं. देशाची एकता जिंदाबाद अशा घोषणा देताना, महापुरुषांचा सन्मान अपराध आहे का, असा सवाल विरोधकांना केला.

यावेळी मोदी म्हणाले, “जगातील सर्वोच्च स्टॅचू ऑफ युनिटी उभारुन भारताने इतिहास रचला आहे. देशात असे काहीच क्षण येतात, जे राष्ट्रीय एकतेची जाणीव करुन देतात. सरदार वल्लभभाई पटेलांनी देश एकसंध बांधला. त्यांच्या जयंतीला त्यांच्या जगातील सर्वोच्च स्मारकाचं लोकार्पण करण्याचं भाग्य मिळालं. विराट व्यक्तीमत्त्वाला योग्य स्थान देण्याचं अपुरं स्वप्न आज साकार झालं”.

1) ‘स्टॅच्यू ऑफ युनिटी’साठी सुमारे 1 लाख 69 हजार गावातील शेतकऱ्यांनी 135 मेट्रिक टन लोखंड दान केलं आहे. त्याचा वापर करुन भव्य पुतळा उभारण्यात आला. स्टॅच्यू ऑफ युनिटीची उंची 182 मीटर इतकी आहे.

2) ‘स्टॅच्यू ऑफ युनिटी’ पूर्वी चीनमधील 128 मीटर उंचीची स्प्रिंग टेंपल येथील बुद्धाची प्रतिमा सर्वाधिक उंच होती.

3) चीनमधील स्प्रिंग टेंपल येथील बुद्धाची प्रतिमा तयार करण्यासाठी तब्बल 11 वर्ष लागली होती. तर स्टॅच्यू ऑफ युनिटी उभारण्यासाठी केवळ 33 महिन्यांचा कालावधी लागला आहे.

4) 6.5 रेक्टर स्केलचा भूकंपातही स्टॅच्यू ऑफ युनिटी न डगमगता उभी राहू शकते. ताशी 180 किलोमीटरपर्यंत वाऱ्यांचा वेग झेलू शकते.

6) 1999मध्ये पद्मश्री पुरस्कार विजेते राम सुतार यांनी या प्रतिमेचे डिझाईन तयार केले आहे. त्यांनी 50हून अधिक स्मारकांची निर्मिती केली आहे. राम सुतार हे मूळचे महाराष्ट्रातील धुळ्याचे आहेत.

7) मराठमोळे मूर्तीकार राम सुतार यांनी स्टॅच्यू ऑफ युनिटीसाठी कित्येक डिझाईन तयार केले होते.

8) नर्मदा नदीपासून 3.5 किलोमीटर दूर असलेल्या सरदार सरोवरावर स्टॅच्यू ऑफ युनिटी उभारण्यात आलं आहे.

9) पर्यटकांना स्टॅच्यू ऑफ युनिटीच्या 153 मीटर उंचीपर्यंत जाता येणार आहे.

10) स्टॅच्यू ऑफ युनिटी 12 किमी लांबीवरुन नजरेस पडते.

Choose your language

कसा आहे स्टॅच्यू ऑफ युनिटी?

Network