तुम्हाला माहित आहे का LPG असो किंवा ऑक्सिजन सिलेंडर, ते गोलच का असतात? वाचा खास कारण
एलपीजी गॅस सिलिंडर प्रत्येकाच्या घरात असतोच! हा LPG सिलेंडर फक्त दंडगोलाकार आकारात आहे. तुम्ही कधी चौकोनी एलपीजी सिलेंडर पाहिला आहे का? सिलिंडर सोडा तुम्ही कधी पाण्याचे किंवा तेलाचे चौकोनी टँकर पाहिले आहेत का? कदाचित नसतीलच...
आता सिलिंडर गोल असण्यामागील कारण देखील समजून घेऊ. किंबहुना त्यामागे प्रेशर हेच कारण आहे. कंटेनर कोणत्याही उच्च दाबाचा सामना करू शकत नाही. सिलेंडरला गोलाकार किंवा दंडगोलाकार आकारात बनवण्यामागे प्रेशर हे मुख्य कारण आहे. जेव्हा कंटेनर किंवा टाकीमध्ये द्रव किंवा वायू ठेवला जातो तेव्हा त्याच्या कोपऱ्यांवर जास्तीत जास्त दाब पडतो.
आता जर सिलिंडर चौकोनी असतील तर त्यांनाही चार कोपरे असतील. अशा परिस्थितीत आतमध्ये खूप दबाव जमा होईल. त्यामुळे सिलिंडरमधून गळती होण्याचा धोका किंवा फुटण्याची शक्यता वाढते. गोल किंवा दंडगोलाकार आकारात, संपूर्ण सिलेंडरमध्ये दाब एकसमान असतो. या कारणासाठी, सिलेंडर किंवा कंटेनर गोल किंवा दंडगोलाकार आकारात बनवले जातात.
सिलिंडरचा आकार जगभर सारखाच असतो. अशा परिस्थितीत या सिलिंडर किंवा टँकरच्या साहाय्याने गॅस किंवा द्रव एका ठिकाणाहून दुसऱ्या ठिकाणी सहज पोहोचवता येते. जेव्हा वाहनावर दंडगोलाकार आकाराचे टँकर लोड केले जातात तेव्हा ते गुरुत्वाकर्षण केंद्र कमी करते. हे वाहन स्थिर ठेवते आणि कोणत्याही प्रकारच्या अपघाताचा धोका राहत नाही.
हाच नियम त्या सर्व गोष्टींना लागू होतो ज्यामध्ये वायू किंवा द्रव साठवले जाते. या नियमानुसार ऑक्सिजन सिलिंडर देखील दंडगोलाकार आकारात असतात. प्रेशरपासून संरक्षण करण्यासाठी सिलिंडर असो वा टँकर, सर्वांचा आकार गोल असतो.