खेळता खेळता आयुष्यभरासाठी जोडी जमली, दोन महिला क्रिकेटपटूंचं लग्न

क्रिकेटपटूंच्या लग्नाकडे क्रीडाक्षेत्राप्रमाणेच सर्वच क्षेत्रातील प्रेक्षकांचं लक्ष असतं. भारतीय क्रिकेटपटूंच्या लग्नाबाबत तर क्रिकेटप्रेमींमध्ये प्रचंड उत्सुकता असते. असं असताना जर दोन महिला क्रिकेटपटूंनी एकमेकींशी लगीनगाठ बांधली, तर तो केवळ भारतातील नव्हे तर जगभरातील क्रिकेटप्रेमींसाठी उत्सुकतेचा विषय ठरतो.

न्यूझीलंडची महिला क्रिकेटपटू हेले जेन्सन आणि ऑस्ट्रेलियाची निकोला हॅन्कॉक यांनी लग्न केलं आहे. क्रीडा जगतात सध्या हेले आणि निकोला या दोन महिलांच्या लग्नाची चर्चा आहे.

बिग बॅश लीगमधील मेलबर्न स्टार्सने ट्वीटर हॅण्डलवरुन या लग्नाचे फोटो शेअर केले. हेले जेन्सन आणि निकोला हॅन्कॉक या दोघी बिग बॅश लीगमध्ये मेलबर्न स्टार्स या संघाकडून खेळत होत्या.

पहिल्या दोन हंगामात या दोघी एकाच संघाकडून खेळल्या. मात्र अष्टपैलू जेन्सन तिसऱ्या सीझनमध्ये मेलबर्न रेनेगेड्स संघात दाखल झाली. दुसरीकडे हॅन्कॉक अजूनही टीम ग्रीन म्हणून ओळख असलेल्या मेलबर्न स्टार्स संघाकडून खेळते. बिग बॅश लीगमध्ये खेळपट्टीवर खेळता खेळता या दोघींची जोडी आयुष्यभरासाठी जमली.

26 वर्षीय जेन्सनने 2014 मध्ये वेस्ट इंडिजविरुद्धच्या सामन्यातून आंतरराष्ट्रीय क्रिकेटमध्ये पदार्पण केलं. दुसरीकडे 23 वर्षीय हॅन्कॉकने गेल्या बिग बॅश लीगचा हंगाम गाजवला होता. तिने 14 सामन्यात 14 विकेट घेत दुसरी यशस्वी गोलंदाज होण्याचा मान मिळवला होता. या विवाहापूर्वी दक्षिण आफ्रिकेच्या महिले क्रिकेट संघाची कर्णधार डेन वान निकर्कने मारिजेन कॅपसोबत लग्न केलं होतं.

या नव्या जोडप्याचा फोटो सोशल मीडियावर शेअर लाईक मिळवत आहे. न्यूझीलंडमध्ये 2015 पासून समलैंगिक विवाहाला मान्यता मिळाली आहे.

Choose your language

खेळता खेळता आयुष्यभरासाठी जोडी जमली, दोन महिला क्रिकेटपटूंचं लग्न

Network