Ekanth Shinde : कोण म्हणतंय दिलासा, बंडाच्या आठव्या दिवशीही शिंदे गट गॅसवर! कुठे, कुणी घातली आडकाठी?
Maharashtra government news today : बंडखोर शिंदे गटाच्या शिवसेनेत परतीचे मार्ग जवळपास बंद झालेत. त्यात शिंदे गट आपल्याकडे संख्याबळ असल्याचा दावा करतोय. मात्र...
मुंबई : एकनाथ शिंदे (Eknath Shinde News) गटाचं टेन्शन वाढवणारी बातमी समोर आली आहे. महाराष्ट्रातील ठाकरे सरकारविरोधात शिवसेनेच्या आमदारांनी बंड केलं. या बंडाचा फटका महाविकास आघाडी सरकारला (Maharashtra government news today) थेट बसेल, अशी शक्यता होती पण बंडखोरीचे आठ दिवस उलटून गेले, तरी अद्याप तसं प्रत्यक्षात काहीही झालेलं नाही. खरंतर एकनाथ शिंदे गटाकडे 51 आमदार आहे. तरिही त्यांच्यासमोरच्या अडचणी वाढल्या आसल्याचं राजकीय (Maharashtra politics news) विषयांमधील जाणकारांनी म्टलंय. पक्षांतरबंदी कायद्याचा पुरेसा विचार न करता शिंदे गटाने बंडखोरीची पावलं उचलली असल्यानं त्यांची गोची झाली असावी, असा तर्क लढवला जातोय. एकनाथ शिंदे गटासमोर खरंतर दोन पर्याय होते. त्यातील पहिला पर्यात हा भाजपमध्ये जाण्याचा होता. तर दुसरा पर्याय हा प्रहार संघटनेत गट विलीन करण्याचा होता. पण हे दोन्ही पर्याय न वापरता शिंदे गटाला अजूनतरी स्वतंत्र मान्यता मिळवता आलेली नाही.
पक्षच नसल्यानं अडचण!
बंडखोर शिंदे गटाच्या शिवसेनेत परतीचे मार्ग जवळपास बंद झालेत. त्यात शिंदे गट आपल्याकडे संख्याबळ असल्याचा दावा करतोय. मात्र हा गट अजूनतरी कोणत्याही पक्षात विलीन झालेला नाही. त्यामुळे या गटाला सत्ता स्थापनेत भाग घेता येणार नाही. अशातच आता कायदेशीर लढा सत्तास्थापनेवरुन सुरु झालेला आहेत. 11 जुलैला याप्रकरणी पुझील सुनावणी पार पडणार आहे.
आता राज्यपालांसह विधानसभेचे उपाध्यक्ष महत्त्वाची भूमिका बजावणार आहेत. त्यामुळे सत्ता स्थापनेची लढाई निवडणूक आयोग, विधानसभा उपाध्यक्ष आणि राज्यपाल यांच्यात कायदेशीर लढाई सुरु होण्याची शक्यता वर्तवली जातेय. तसं झाल्यास सत्ता स्थापनेचा तिढा आणखीनच लांबेल, अशी शक्यता कायदेतज्ज्ञांनी व्यक्त केलीय.
एकनाथ शिंदे गट हा सध्या गुवाहाटीत मुक्कामी आहे. त्यांचा मुक्कामही वाढवण्यात आलाय. आधी सूरत आणि त्यानंतर गुवाहाटीत तंबू ठोकून सध्या शिंदे गट आहे. एकीकडे शिंदे गटाला भाजप किंवा प्रहार संघटनेत सहभागी होता येत नाही, असा दावा दैनिक सामनातून शिवसनेकडून करण्यात आलाय. तर दुसरीकडे शिंदे गटाला स्वतंत्र मान्यता मिळणं शक्य नसल्यानं पर्याय न सापडलेल्या बंडखोर आमदारांची कोंडी झालेली दिसतेय.
एकनाथ शिंदे गटाकडे शिवसेनेते किती आमदार?
| आमदाराचं नाव | मतदारसंघ | |
|---|---|---|
| 1 | एकनाथ शिंदे | कोपरी-पाचपाखाडी |
| 2 | भरत गोगावले | महाड |
| 3 | उदय सामंत | रत्नागिरी |
| 4 | संदीपान भुमरे | पैठण |
| 5 | गुलाबराव पाटील | जळगाव ग्रामीण |
| 6 | दादा भुसे | मालेगाव बाह्य |
| 7 | अब्दुल सत्तार | सिल्लोड |
| 8 | दीपक केसरकर | सावंतवाडी |
| 9 | शहाजी पाटील | सांगोला |
| 10 | शंभुराज देसाई | पाटण |
| 11 | अनिल बाबर | खानापूर |
| 12 | तानाजी सावंत | परांडा |
| 13 | चिमणराव पाटील | एरंडोल |
| 14 | प्रकाश सुर्वे | मागाठाणे |
| 15 | विश्वनाथ भोईर | कल्याण पश्चिम |
| 16 | संजय गायकवाड | बुलडाणा |
| 17 | प्रताप सरनाईक | माजीवडा |
| 18 | महेंद्र दळवी | अलिबाग |
| 19 | महेंद्र थोरवे | कर्जत |
| 20 | प्रदीप जयस्वाल | औरंगाबाद मध्य |
| 21 | ज्ञानराज चौगुले | उमरगा |
| 22 | श्रीनिवास वनगा | पालघर |
| 23 | संजय रायमूलकर | मेहेकर |
| 24 | बालाजी कल्याणकर | नांदेड उत्तर |
| 25 | शांताराम मोरे | भिवंडी ग्रामीण |
| 26 | संजय शिरसाट | औरंगाबाद पश्चिम |
| 27 | प्रकाश आबिटकर | राधानगरी |
| 28 | योगेश कदम | दापोली |
| 29 | सदा सरवणकर | माहिम |
| 30 | मंगेश कुडाळकर | कुर्ला |
| 31 | यामिनी जाधव | भायखळा |
| 32 | लता सोनावणे | चोपडा |
| 33 | किशोरी पाटील | पाचोरा |
| 34 | रमेश बोरनारे | वैजापूर |
| 35 | सुहास कांदे | नांदगाव |
| 36 | बालाजी किणीकर | अंबरनाथ |
| 37 | दिलीप लांडे | चांदिवली |
| 38 | आशिष जयस्वाल | रामटेक |
| 39 | महेश शिंदे | कोरेगाव |
एकनाथ शिंदे गटाकडे अपक्ष किती आमदार?
| आमदाराचं नाव | मतदारसंघ | |
|---|---|---|
| 1 | बच्चू कडू | |
| 2 | राजकुमार पटेल | |
| 3 | राजेंद्र यड्रावकर | |
| 4 | चंद्रकांत पाटील | |
| 5 | नरेंद्र भोंडेकर | |
| 6 | किशोर जोरगेवार | |
| 7 | मंजुळा गावित | |
| 8 | विनोद अग्रवाल | |
| 9 | गीता जैन |