मुंबई : मुख्यमंत्री एकनाथ शिंदे आणि शिवसेना पक्षप्रमुख उद्धव ठाकरे(Uddhav Thackeray) यांच्यात दसरा मेळाव्याला(Shivsena Dasara Melava 2022) गर्दी जमवण्यावरुन जोरदार चुरस निर्माण झाली आहे. जास्तीत जास्त गर्दी जमवून दसरा मेळावा यशस्वी करण्यासाठी दोन्ही गटांनी जोरदार प्लानिंग सुरु केले आहे. शिवतीर्थावर मेळाव्याला दीड लाखांची गर्दी जमवण्याचं शिवसेनेचं टार्गेट आहे. तर मुख्यमंत्री एकनाथ शिंदेनी दिले 3 लाखांची गर्दी जमवण्याचे टार्गेट दिले आहे.
दसरा मेळावा यशस्वी करण्यासाठी शिवसेना आणि शिंदे गटाची जय्यत तयारी सुरु आहे. शिवतीर्थावर मेळाव्याला दीड लाखांची गर्दी जमवण्याचं शिवसेनेचं टार्गेट आहे.
दसरा मेळावा यशस्वी करण्यासाठी उद्धव ठाकरे सर्व शक्ती पणाला लावणार आहेत. दसरा मेळाव्याचे नियोजन करण्यासाठी उद्धव ठाकरे यांनी स्वत: पुढाकार घेतला आहे. शिवसैनिकांची गर्दी जमवण्याची जबाबदारी राज्यातील जिल्हाप्रमुखांवर सोपवण्यात आली आहे.
मुख्यमंत्र्यांच्या उपस्थितीत गरवारे क्लबमध्ये शिंदे गटातील आमदारांची बैठक झाली. या बैठकीत एकाथ शिंदे यांनी 3 लाखाची गर्दी जमवण्याचे टार्गेट दिले आहे.
ठाकरे गटाला शिवाजी पार्कवर मेळावा घेण्यास न्यायालयाकडून परवानगी मिळाली आहे. यामुळे शिंदे गटाचा दसरा मेळावा वांद्रे-कुर्ला संकुलातील बीकेसे मैदानावर होणार आहे. एकाच दिवशी दोन्ही गटाचे मेळावे होणार असल्याने आता गर्दी जमवण्यासाठी दोघांमध्ये चढाओढ सुरु झाली आहे.