आज यंदाच्या पर्वातील 53 वा सामना चेन्नई सुपरकिंग्स आणि पंजाब किंग्स या या संघामध्ये खेळवला गेला. दुबईच्या आंतरराष्ट्रीय मैदानावर हा सामना पार पडला. सामन्यात नाणेफेक जिंकत पंजाब किंग्सचा कर्णधार केएल राहुलने गोलंदाजी निवडली. ज्यानंतर फलंदाजी करणाऱ्या चेन्नईचे बहुतेक फलंदाज लवकर बाद झाले. पण सलामीवीर फाफ डुप्लेसीसने मात्र एकहाती खिंड लढवत 76 धावा ठोकल्या. ज्याच्या जोरावर चेन्नईने पंजाबसमोर 135 धावांचे आव्हान ठेवले. या आव्हानाचा पाठलाग करताना पंजाबच्या तीन विकेट्स लवकर गेल्या तरी कर्णधार आणि सलामीवीर केएल राहुलने मात्र धुवांधार फलंदाजी नाबाद 98 धावा ठोकल्या आणि संघाला 6 विकेट्सनी विजय मिळवून दिला.
पंजाबच्या तीन विकेट्स लवकर गेल्या तरी कर्णधार आणि सलामीवीर केएल राहुलने नाबाद 98 धावा ठोकल्या. ज्यामुळे पंजाब 6 विकेट्सनी विजय झाला आहे.
पंजाबचा कर्णधार केएल राहुल धमाकेदार फलंदाजी करत असून त्याने तुफानी अर्धशतकही झळकावलं आहे.
मागील काही सामने उल्लेखणीय खेळी केलेला शाहरुख आज 8 धावा करुन बाद झाला आहे. चाहरने त्याची विकेट घेतली आहे.
पंजाबचे सलामीवीर केएल राहुल आणि मयांक अगरवाल फलंदाजीसाठी मैदानात आले आहेत.
चेन्नईची फलंदाजी आज सपशेल फेल होताना दिसली. केवळ सलामीवीर फाफ डुप्लेसीसच्या 76 धावांच्या जोरावर चेन्नईने 134 केल्या आहेत.
चेन्नईचा सलामीवीर फाफ डुप्लेसीसने एकहाती झुंज देत धमाकेदार अर्धशतक झळकावलं आहे.
चेन्नईचा सलामीवीर ऋतुराज बाद होताच मोईन अलीही शून्यावर बाद झाला. अर्शदीपनेच त्याचीही विकेट घेतली.
चेन्नईचा सलामीवीर ऋतुराज आज स्वस्तात माघारी परतला आहे. 15 धावांवर असताना अर्शदीपच्या चेंडूवर शाहरुख खानने त्याचा झेल घेतला आहे.
चेन्नई सुपरकिंग्सचे सलामीवीर ऋतुराज गायकवाड आणि फाफ डुप्लेसीस फलंदाजीसाठी मैदानात आले आहेत.
सामन्यात नाणेफेक जिंकत पंजाब किंग्सचा कर्णधार केएल राहुलने गोलंदाजी निवडली आहे. त्यामुळे चेन्नईचे खेळाडू प्रथम फलंदाजी करतील.
एमएस धोनी (कर्णधार-विकेटकीपर), ऋतुराज गायकवाड़, फाफ डुप्लेसी, मोईन अली, रॉबीन उथप्पा, अंबाती रायडू, रवींद्र जाडेजा, ड्वेन ब्रावो, शार्दुल ठाकूर, दीपक चाहर, जॉश हेजलवुड
केएल राहुल (कर्णधार/यष्टीरक्षक), मयांक अगरवाल, ए. मार्करम, सरफराज खान, शाहरुख खान, ख्रिस जॉर्डन, एम. हेन्रिक्स, मोहम्मद शमी, रवी बिश्नोई, हरप्रीत ब्रार, अर्शदीप सिंग.