अहमदनगर : अहमदनगर (Ahmednagar) येथील सुदर्शन महादेव कोतकर (Sudarshan Mahadev Kotkar) याने ‘उत्तर महाराष्ट्र केसरी (North Maharashtra Kesari)’ हा किताब पटकावला आहे. नाशिक येथील बाळू बोडखे याच्यावर मात करत त्याने ही स्पर्धा जिंकली. महाराष्ट्र राज्य कुस्तीगीर परिषद, जिल्हा तालीम संघ आणि संघर्ष योद्धा बबनराव ढाकणे केदारेश्वर कारखान्याच्या वतीने दोन दिवसीय कुस्ती स्पर्धेचे आयोजन करण्यात आले होते.
अहमदनगरला पाथर्डी येथे उत्तर महाराष्ट्र केशरी कुस्ती स्पर्धेचं आयोजन करण्यात आलं होतं. या स्पर्धेत अंतिम लढत नगर येथील सुदर्शन कोतकर आणि नाशिक येथी बाळू बोडखे यांच्यात पार पाडली. यात नगरच्या सुदर्शन कोतकरने बाजी मारली. सुदर्शन कोतकरने चांदीची गदा पटकावलीये.
40 मिनिटांचा खेळ रंगला
सुदर्शन कोतकर आणि बाळू बोडखे यांच्यात तब्बल चाळीस मिनिटे कुस्ती रंगली. कोतकर यांचे वजन 124 किलो तर बोडखे यांचे वजन 84 किलो होते. मात्र, तरीही बोडखे यांनी कोतकरला सहजासहजी जिंकू दिले नाही. त्याने शेवटच्या क्षणापर्यंत झुंज दिली. मात्र, अखेर सुदर्शन कोतकर याने ही स्पर्धा जिंकण्याचा मान मिळवला. तर, बाळू बोडखेला दुसऱ्या स्थानावर समाधान मानावे लागले. या स्पर्धेत तृतीय क्रमांक नगर येथील अनिल ब्राम्हणे याने पटकावला. सुदर्शन कोतकरला पुरस्कार म्हणून चांदीची गदा आणि 51 हजार रुपयांचे पारितोषिक देण्यात आले.
कोरोनामुळे बंद असलेल्या राज्यातील कुस्ती स्पर्धा आता सुरु झाल्या आहेत. तब्बल दोन वर्षांनंतर पहिल्यांदाच पाथर्डी येथे भव्य कुस्ती स्पर्धेचं आयोजन करण्यात आलं होतं. अहमदनगर कुस्तीगीर परिषद आणि केदारेश्वर सहकारी साखर कारखाना यांच्या पुढाकाराने ही स्पर्धा आयोजित करण्यात आली होती. या स्पर्धेत उत्तर महाराष्ट्रातील वेगवेगळ्या गटातील जवळपास 300 मल्ल सहभागी झाले होते.
रोहितचं अर्धशतक, हर्षल-अक्सरची उत्कृष्ट गोलंदाजी, भारताची न्यूझीलंडवर 73 धावांनी मात, मालिकेवर कब्जा#RohitSharma #DeepakChahar #INDvsNZ #AxarPatel https://t.co/mKjtjmwoZ9
— TV9 Marathi (@TV9Marathi) November 21, 2021
संबंधित बातम्या :
IND VS NZ: रोहित शर्माची हॅट्ट्रिक, विराट कोहली ट्रोल, सोशल मीडियावर मीम्सचा पाऊस
बुद्धिबळपटू संकल्प गुप्ताचं जल्लोषात स्वागत, नागपुरातील 18 वर्षांचा संकल्प झाला ग्रँडमास्टर