केवायसी कागदपत्रांबाबत ही चूक करु नका, अन्यथा…. RBI चा अलर्ट
KYC updates | ग्राहकांना त्यांचे वैयक्तिक तपशील, खाते/लॉगिन तपशील/कार्ड तपशील, पिन, ओटीपी इत्यादी फोन कॉल, एसएमएस, ईमेल इत्यादीद्वारे केवायसी अपडेट करण्यासाठी विचारले जात आहेत.
रिझर्व्ह बँक
- अलीकडच्या काळात सायबर गुन्हे आणि ऑनलाईन फसवणुकीचे प्रमाण वाढले आहे. या पार्श्वभूमीवर रिझर्व्ह बँकेने नागरिकांना सावधानतेचा इशारा दिला आहे.
- गेल्या काही दिवसांमध्ये केवायसी अपडेटस करण्याच्या नावाखाली ग्राहकांची फसवणूक होत आहे. ग्राहकांना त्यांचे वैयक्तिक तपशील, खाते/लॉगिन तपशील/कार्ड तपशील, पिन, ओटीपी इत्यादी फोन कॉल, एसएमएस, ईमेल इत्यादीद्वारे केवायसी अपडेट करण्यासाठी विचारले जात आहेत. संवादाद्वारे एक दुवा प्रदान केला जातो आणि केवायसी अपडेटस करण्यासाठी काही मोबाईल Apps डाऊनलोड करण्या सांगितले जाते.
- केवायसी अपडेट केले नाही तर त्यांचे खाते गोठवले जाऊ शकते, ब्लॉक केले जाऊ शकते किंवा बंद केले जाऊ शकते, अशी धमकी ग्राहकांना फोन कॉलवरून दिली जात आहे.
- जर ग्राहकाने कॉल, मेसेज किंवा बेकायदेशीर अॅपवर त्याची माहिती शेअर केली तर फसवणूक करणाऱ्यांना त्याच्या खात्याचा अॅक्सेस मिळेल आणि ते ग्राहकाची फसवणूक करू शकतात.
- आरबीआयने सांगितले आहे की, लोकांनी त्यांचे खाते लॉगिन तपशील, वैयक्तिक माहिती, केवायसी दस्तऐवजांची प्रत, कार्ड माहिती, पिन, पासवर्ड आणि ओटीपी इत्यादी अज्ञात व्यक्ती किंवा एजन्सींसोबत शेअर करू नयेत. तसेच, लोकांनी त्यांचे तपशील बेकायदेशीर किंवा अनोळखी वेबसाइट किंवा अॅप्सद्वारे शेअर करू नयेत. जर एखाद्या ग्राहकाला अशी विनंती प्राप्त झाली तर त्याने त्याच्या बँकेच्या शाखेशी संपर्क साधावा.
- नियमन केलेल्या संस्थांना वेळोवेळी केवायसी अपडेट करावे लागते परंतु ही प्रक्रिया अंत्यत सुलभ आहे. एखाद्या ग्राहकाच्या खात्याची माहिती अपडेट करायची असेल तर 31 डिसेंबर 2021 पर्यंत त्याच्या खात्यात कोणतीही कारवाई केली जाणार नाही. केवळ नियामकाच्या निर्देशानुसार हे करणे आवश्यक आहे.
- केवायसी हा ग्राहकांची ओळख पटवण्याचा एक मार्ग आहे, ज्यासाठी काही आवश्यक कागदपत्रे सादर करावी लागतात. सादर केलेल्या कागदपत्रांना केवायसी कागदपत्रे म्हटले जाते.