मुंबई: जगातील प्रमुख वेबसाईट आणि अॅप्स गुरुवारी रात्री ठप्प होण्याचा प्रकार घडला. अनेक ओटीटी प्लॅटफॉर्मसवरही कंटेट लोड येण्यात अडचणी येत होत्या. यासाठी इंटरनेट कनेक्शन डाऊन होण्याचे कारण सांगितले जात आहे. त्यामुळे बँकांचे अॅप्स आणि पेटीएमसारख्या सुविधाही काही काळ बंद होत्या.
डोमेन नेम सिस्टिममध्ये गडबड झाल्यामुळे ही समस्या उद्भवल्याची माहिती समोर आली आहे. हा तांत्रिक बिघाड दूर करण्यात आला आहे. क्लाउड सर्विस प्रोवाइडर कंपनी अकामाई टेक्नोलॉजीज (AKAM.O) कंपनीने DNS मधील बिघाड दूर झाल्याचे ट्विटही केले होते.
इंटरनेट आऊटेजच्या या समस्येचा सामना गुगलसारख्या बड्या कंपनीलाही करावा लागत आहे. यासाठी अनेक कारणे असू शकतात. कंजेशन, केबल डिर्स्टबन्स, स्पीड फ्लक्चुएशन यापैकी कोणत्याही कारणामुळे इंटरनेट आऊटेज होऊ शकते.
इंटरनेट आऊटेजसाठी नेटवर्क कंजेशन हे प्रमुख कारण मानले जाते. एकाचवेळी अनेकजण एकाच नेटवर्कचा वापर करत असतील तर ही समस्या निर्माण होते. नेटवर्क कंजेशनमुळे सर्किट क्वालिटी खराब होते. गर्दीच्या ठिकाणी नेहमी ही समस्या उद्भवते.
डिव्हाईस आणि सर्व्हरमधील लिंक खंडित होते तेव्हा ही समस्या उद्भवते. अनेकदा वादळ किंवा अन्य कारणांमुळे केबल तुटतात. त्यामुळे सर्व्हिस प्रोव्हायडर लिंक फेल होते. त्यामुळे इंटरनेट आऊटेज होणे ही एक सामान्य बाब आहे.
सर्व्हिस प्रोयाव्हडरकडून देण्यात येणाऱ्या इंटरनेट स्पीडमध्ये चढउतार होत असतील तरीही इंटरनेट आऊटेज होऊ शकते. तुम्ही 500 MBPS चे कनेक्शन घेतले आणि तुम्हाला 50 MBPS चा स्पीड मिळत असेल तर ते स्पीड फ्लक्चुएशन मानले जाते.
काहीवेळा सर्व्हिस प्रोयाव्हडरकडून इंटरनेट सुविधा पुरवणारी उपकरणे व्यवस्थित बसवली जात नाहीत. त्यामुळे सर्किटस खराब होऊन इंटरनेटसेवा खंडित होऊ शकते. त्यासाठी चांगल्या दर्जाची उपकरणे वापरणे गरजेचे आहे.
चुकीचा आयपी अॅड्रेस, सदोष वायरिंग किंवा फायरवॉल चुकीच्या पद्धतीने कॉन्फिगर केल्यास इंटरनेट आउटेज होऊ शकते. हा भाग ऑपरेशन एररमध्ये मोडतो.
इतर बातम्या
महिलांना ‘या’ सरकारी योजनेतून रोजगार मिळणार, दरमहा 4 हजार कमावण्याची संधी, पटापट जाणून घ्या
ATM rules 2021: रोख रक्कम काढणे, व्यवहारांवरील शुल्कात लवकरच बदल, जाणून घ्या