Agriculture News : पंधरा गावांना शेतीसाठी अनियामित वीजपुरवठा, शेतकऱ्याच्या रब्बी पिकांना फटका
Agriculture News : या कारणामुळे रात्री करण्यात येणारा वीजपुरवठाच बरा असं म्हणण्याची वेळ शेतकऱ्यांवर आलीये
धुळे : धुळे तालुक्यातील (Dhule News) कापडणे गावासह इतर पंधरा गावांना शेतीसाठी (Agriculture News) अनियामित वीजपुरवठा होत असल्याने शेतकऱ्याच्या रब्बी पिकांना (rabi crops) फटका बसतं आहे. धुळे तालुक्यातील नगाव, कापडणे, न्याळोद, कवठाळ, विश्वनाथ, दमाने, तामसवाडी, हैंळवाडी, धनुर आदी गावांना आठ दिवस दिवसा, तर आठ दिवस रात्री शेतीसाठी पुरवठा करण्यात येत असतो. मात्र दिवसा वीजपुरवठा करताना अनेक वेळा विजेचा लपंडाव सुरु असतो. त्यामुळे सध्या दोन एकर शेतीला देखील पूर्ण पाणी देता येत नाही. त्यामुळे रब्बी पिकांवर त्याचा परिणाम होऊ लागला आहे. शेतकरी संकटात सापडला आहे. नियमित दिवसा वीस पुरवठा करावा अन्यथा तो रात्री करण्यात येणारा वीजपुरवठाच बरा असा शेतकरी म्हणू लागले आहेत. कारण दिवसा दिला जाणारा वीज पुरवठा हा सतत खंडित होत असतो.
23 गावातील विहिरींच अनुदान अद्याप देण्यात आलं नसल्याने शेतकऱ्यांनी नाराजी
धुळे जिल्ह्यातील शिंदखेडा तालुका हा दुष्काळग्रस्त तालुका म्हणून ओळखला जातो. त्यामुळे या तालुक्यामध्ये दरवर्षी पाणीटंचाईचा सामना ग्रामीण भागातील जनतेला करावा लागतो. यासाठी शासन दरवर्षी शेतकऱ्यांच्या पाणी असलेल्या विहिरी अधिग्रहीत करून त्यातून पाणीपुरवठा करते. मात्र अधिग्रहीत करण्यात आलेल्या या विहिरींच अनुदान अद्याप देण्यात आलेलं नाही. 23 गावातील विहिरींच अनुदान अद्याप देण्यात आलं नसल्याने शेतकऱ्यांनी नाराजी व्यक्त केली आहे. अनेक शेतकऱ्यांनी यावर्षी विहीर अधिग्रहीत करू देणार नाही अशी भूमिका घेतली आहे. त्यामुळे शासनाने विहीर अधिग्रहण अनुदान तात्काळ देण्याची मागणी स्थानीक लोकप्रतिनिधी केली आहे.
