Maruti Suzuki :डोळे झाकून खरेदी करा मारूतीच्या या गाड्या, मिळेल दमदार मायलेज

मारूती सुझूकी

Image Credit source: Social Media

मुंबई : भारतात कार खरेदी करणाऱ्या सामान्य माणसाची पहिली पसंती ही मारुती सुझूकीला (Maruti Suzuki Car)  असते. याचे कारण कमी देखभाल, चांगले मायलेज आणि परवडणारी किंमत. यामुळेच भारतातील सर्वाधिक विक्री होणाऱ्या कारच्या यादीत मारुतीची वाहने नेहमीच अव्वल स्थानावर राहतात. फेब्रुवारी 2023 मध्येही हा विक्रम नेहमीप्रमाणे कायम ठेवण्यात आला आणि मारुतीच्या गाड्यांनी अव्वल स्थान पटकावले.

तुम्हालाही 5 ते 10 लाख रुपयांच्या बजेटमध्ये एखादी कार खरेदी करायची असेल, तर आम्ही तुमच्यासाठी 3 सर्वोत्तम पर्याय घेऊन आलो आहोत. या तिन्ही गाड्या मारुती सुझुकीच्या आहेत. या गाड्यांमध्ये आवश्यकतेनुसार सर्व फिचर्सही पाहायला मिळतील. चांगली गोष्ट म्हणजे तिन्ही कारमध्ये सीएनजीचा पर्यायही उपलब्ध असेल, ज्यामुळे भरपूर मायलेज मिळेल आणि इंधनाचा खर्चही कमी होईल.

मारुती सुझूकी बलेनो

बलेनो हे फेब्रुवारी 2023 मध्ये सर्वाधिक विक्री होणारे मारुती सुझूकीचे मॉडेल आहे. हे गेल्या वर्षी मोठ्या अपडेटसह लॉन्च करण्यात आले होते. मारुती बलेनोची किंमत 7.64 लाख ते 11.35 लाख रुपये आहे. ही कार 1.2-लिटर 4-सिलेंडर पेट्रोल इंजिनसह येते. CNG सह 30 किमी पर्यंत मायलेज मिळते. आधुनिक युगातील अनेक प्रगत वैशिष्ट्येही कारमध्ये पाहायला मिळतील.

मारुती सुझूकी स्विफ्ट

मॉडेल मारुती सुझुकी स्विफ्ट ही कंपनीची दुसरी सर्वाधिक विक्री होणारी कार आहे. या सेगमेंटमधील खरेदीदारांमध्ये ही कार लोकप्रिय आहे. मारुती सुझुकी स्विफ्ट हे मारुती सुझुकीने बर्याच काळापासून अपग्रेड न केलेल्या काही मॉडेल्सपैकी एक आहे. मात्र, गेल्या वर्षी ते सीएनजी व्हर्जनसह लॉन्च करण्यात आले होते. स्विफ्टला K सीरीजचे 1.2-लिटर ड्युअल जेट ड्युअल पेट्रोल इंजिन मिळते. हे इंजिन मॅन्युअल ट्रान्समिशनमध्ये 23.20-kmpl आणि AMT गिअरबॉक्सला जोडल्यावर 23.76-kmpl मायलेज देते. तसेच CNG सह कार 30 kmpl पर्यंत मायलेज देऊ शकते.

मारुती सुझूकी अल्टो

या यादीतील तिसरे मॉडेल देशातील सर्वात परवडणारी मारुती सुझुकी अल्टो कार आहे. हे कंपनीचे तिसरे सर्वाधिक विकले जाणारे मॉडेल देखील आहे. मारुती सुझुकी अल्टो अल्टो 800 आणि अल्टो K10 या दोन मॉडेलमध्ये उपलब्ध आहे. दुसरे मॉडेल मागील वर्षी पूर्णपणे नवीन अवतारात लॉन्च करण्यात आले होते. आता भारतीय बाजारपेठेत याला खूप पसंती दिली जात आहे. प्रथमच कार खरेदी करणाऱ्यांसाठी हे मॉडेल सर्वोत्तम पर्याय आहे. सीएनजी सह कार 33 किमी पर्यंत मायलेज देते.