‘या’ कर्मचार्‍यांना DA सोबत पदोन्नतीचा लाभ, बोर्डाकडून आदेश जारी

या सरकारी योजनेमध्ये 2 रुपये जमा करा आणि 36000 रुपये पेन्शन मिळवा

नवी दिल्लीः सातव्या वेतन आयोगांतर्गत (7th pay commission) लाखो कर्मचारी महागाई भत्त्याच्या प्रतीक्षेत असल्याने रेल्वे कर्मचाऱ्यांना पदोन्नतीचं गिफ्ट मिळण्याचा मार्ग मोकळा झालाय. प्रत्यक्षात रेल्वे बोर्डाने एक आदेश काढला आहे. त्यामुळे ज्यांची पदोन्नती रखडली आहे, त्यांना लवकरच पदोन्नतीचे पत्र दिले जाईल. त्याचबरोबर 30 जूनपर्यंत पदोन्नती मिळालेल्या कर्मचार्‍यांचे वेतन 1 जानेवारी 2022 पासून वाढविण्यात येणार आहे. वस्तुतः भारतीय रेल्वे विभागाच्या युनियन एनएफआरने हा प्रश्न रेल्वे बोर्डाकडे उपस्थित केला होता. विशेष म्हणजे विभागीय स्तरावर बरीच पदे रिक्त आहेत, अशी मागणी युनियनने केली. या रिक्त जागा पदोन्नतीद्वारे भरल्या पाहिजेत. (7th pay commission railway employee will get promotion)

रेल्वे बोर्डाने आदेश केले जारी

युनियनच्या मागणीवर निर्णय घेत रेल्वे बोर्डाने असा आदेश काढला की, अशा कर्मचाऱ्यांची यादी पाठवावी, ज्यांची पदोन्नती झाली नाही. कोरोना असूनही, भारतीय रेल्वेने गेल्या दोन वर्षांत जास्तीत जास्त बढती दिली. ज्यांची नावे पदोन्नतीसाठी सोडली गेली आहेत, त्यांची नावेही विभागाला पाठवावीत, असे रेल्वे मंडळाने म्हटले आहे.

सप्टेंबरपासून हप्ता सुरू होणार

त्याचबरोबर डीएसंदर्भात हे स्पष्ट केले गेले आहे की, सप्टेंबरपासून केंद्रीय कर्मचार्‍यांना महागाई भत्त्याचा हप्ता मिळणे सुरू होईल. शेवटचे तीन हप्ते आणि जून 2021 चे पैसे सप्टेंबरच्या पगारामध्येही येतील. सध्या डीए 17% देण्यात येत आहे, पण तो 30% पर्यंत जाऊ शकतो. फायनान्शियल एक्सप्रेसच्या अहवालानुसार पारंपरिकपणे डीए / डीआर वर केंद्र सरकार आर्थिक वर्ष 2022 मध्ये डीए/डीआर दरवाढीच्या एकूण बजेट प्रभावासाठी सुमारे 30,000 कोटी रुपये खर्च करू शकते. त्याचबरोबर राज्यातही या पद्धतीचा पाठपुरावा करण्यासाठी सुमारे 60,000 कोटी रुपये खर्च अपेक्षित आहे. कोविड 19 च्या उद्रेकानंतर वित्तीय तणाव कमी करण्यासाठी जानेवारी 2020 ते जून 2021 या कालावधीत केंद्र सरकारच्या कर्मचार्‍यांच्या डीए आणि पेन्शनधारकांसाठी डीआरमध्ये वाढ करण्यात आली होती. यासह 2021 आर्थिक वर्षात 25,000 कोटी रुपयांची बचत होईल, असे सांगण्यात आलेय.

संबंधित बातम्या

Gold Price Today: सोन्याच्या किमतींमध्ये आज मोठी घसरण, रेकॉर्ड हायपेक्षा अजूनही 8,750 रुपयांनी स्वस्त

पेट्रोल आणि डिझेलचे दर कमी करण्यासाठी RBI गव्हर्नरांचा सल्ला, सांगितला ‘उपाय’

7th pay commission railway employee will get promotion