नवी दिल्लीः देशातील दुसरी मोठी दूरसंचार कंपनी भारती एअरटेलने आपल्या करोडो ग्राहकांसाठी अलर्ट जारी केलाय. एअरटेलने वापरकर्त्यांना पाठवलेल्या मेसेजमध्ये केवायसी संबंधित एसएमएसबाबत वापरकर्त्यांना सावध केलेय. ठग लोकांची फसवणूक करण्यासाठी वेगवेगळ्या मार्गांनी प्रयत्न करत आहेत. आता ठग लोकांना ई-केवायसी, मेसेज आणि कॉलद्वारे लोकांना आपले बळी बनवत आहेत. म्हणूनच दूरसंचार कंपन्या त्यांच्या ग्राहकांना सतत सावध करत असतात.
एअरटेलने आपल्या 35 कोटींहून अधिक ग्राहकांना एसएमएस पाठवून सावध केलेय. 10 अंकी मोबाईल नंबरवरून तुमच्या खात्यासाठी/सिम अपडेटसाठी एअरटेल कधीही केवायसी संबंधित एसएमएस पाठवत नाही. अशा फसवणुकीपासून सावध राहा आणि कॉलवर कधीही कोणताही OTP/कोड शेअर करू नका.
ट्रायच्या ताज्या अहवालानुसार, एअरटेलने जुलै महिन्यात 19.43 लाख वापरकर्ते जोडलेत. एअरटेलचा ग्राहक वर्गही वाढून 35.40 कोटी झाला. त्याच वेळी जुलैमध्ये जिओची एकूण मोबाईल ग्राहक संख्या झपाट्याने वाढून 44.32 कोटी झाली.
जर तुम्हाला असे बनावट कॉल टाळायचे असतील तर तुम्ही त्यासाठी कंपनीची DND सेवा सक्रिय करू शकता. यासह आपण अवांछित कॉल आणि मेसेजपासून मोठ्या प्रमाणात मुक्त होऊ शकता. ही सेवा कॉल किंवा एसएमएसद्वारे सक्रिय केली जाऊ शकते. याशिवाय एअरटेलच्या वेबसाईटला भेट देऊनही ते अॅक्टिव्हेट केली जाऊ शकते.
DND ऑनलाईन अॅक्टिव्हेट करण्यासाठी तुम्हाला Do Not Disturb पेज ला भेट द्यावी लागेल. यानंतर एअरटेल मोबाईल सर्व्हिसमध्ये दिसणाऱ्या Click here बटणावर क्लिक करा आणि नंतर तुमचा एअरटेल नंबर टाका. हे केल्यानंतर वन टाइम पासवर्डवर क्लिक करा आणि नंतर ओटीपी सबमिट करा. त्यानंतर स्टॉप ऑलवर क्लिक करा आणि सबमिट बटण दाबा.
जर तुम्हाला कॉल किंवा मेसेजद्वारे तुमच्या एअरटेल क्रमांकावर DND सक्रिय करायचे असेल तर 1909 वर कॉल करा आणि नंतर नमूद केलेल्या सूचनांचे अनुसरण करा. असे केल्याने तुमच्या क्रमांकावरील सेवा सक्रिय होईल. याशिवाय मेसेजद्वारे सक्रिय करण्यासाठी आपण START 0 लिहू शकता आणि 1909 वर पाठवू शकता. हे केल्यानंतर तुमच्या एअरटेल क्रमांकावर फुल डू नॉट डिस्टर्ब सेवा सक्रिय होईल. ही प्रक्रिया पूर्ण केल्यानंतर ही सेवा तुमच्या नंबरवर सुमारे 7 दिवसांच्या आत सक्रिय होईल.
संबंधित बातम्या
शेअर बाजाराचे गुंतवणूकदार ‘या’ आठवड्यात 2.22 लाख कोटींनी समृद्ध, जाणून घ्या कोणत्या कंपनीला फायदा
आता LIC चा IPO पुढील आर्थिक वर्षात येणार, अर्थ सचिवांची मोठी माहिती
Airtel warns its 35 crore more customers, don’t make the same mistake again