उल्हासनगरात चक्क आमदारांच्या कार्यालयासमोर क्रिकेट बेटिंग, पोलिसांकडून एकाला अटक
हरदासानी हा विविध मोबाईल नंबर आणि इसमांच्या नावाने बेटिंगचे आकडे लावत होता. याचवेळी पोलिसांनी त्याला रंगेहाथ पकडलं. धक्कादायक बाब म्हणजे मधुबन ही इमारत उल्हासनगरचे आमदार कुमार आयलानी यांच्या जनसंपर्क कार्यालयाच्या अगदी समोर आहे.
उल्हासनगर : उल्हासनगरमध्ये आमदारांच्या कार्यालयासमोर क्रिकेट बेटिंग (Cricket Betting)चा अड्डा सुरू असल्याची बाब समोर आली आहे. उल्हासनगर पोलिसांनी धाड (Raid) टाकत हा अड्डा उध्वस्त केला आणि एकाला बेड्या ठोकल्या (Arrest) आहेत. रविवारी आशिया कप स्पर्धेतील भारत – पाकिस्तान क्रिकेट मॅच सुरू होती. या सामन्यावर उल्हासनगरमध्ये बेटिंग सुरू असल्याची माहिती उल्हासनगर पोलिसांना मिळाली होती. त्यानुसार पोलिसांनी कारवाई करत आरोपीला रंगेहाथ पकडले.
पोलिसांकडून छापा टाकत साहित्य जप्त
मिळालेल्या माहितीनुसार, कॅम्प 2 मधील मधुबन अपार्टमेंट या इमारतीच्या पाचव्या माजल्यावर 501 क्रमांकच्या फ्लॅटमध्ये पोलिसांनी रात्री 9 च्या सुमारास धाड टाकली. यावेळी संजय हरदासानी हा इसम क्रिकेट मॅचवर बेटिंग करत असल्याचं पोलिसांना आढळून आलं. त्याच्याकडे 6 मोबाईल, टीव्ही, वायफाय, डायरी, कॅलक्युलेटर आणि इतर साहित्य जप्त करण्यात आलं.
बेटिंगचे आकडे लावताना रंगेहाथ पकडले
हरदासानी हा विविध मोबाईल नंबर आणि इसमांच्या नावाने बेटिंगचे आकडे लावत होता. याचवेळी पोलिसांनी त्याला रंगेहाथ पकडलं. धक्कादायक बाब म्हणजे मधुबन ही इमारत उल्हासनगरचे आमदार कुमार आयलानी यांच्या जनसंपर्क कार्यालयाच्या अगदी समोर आहे. त्यामुळे उल्हासनगरात खळबळ माजली आहे. याप्रकरणी आरोपी संजय हरदासानी याच्याविरोधात गुन्हा दाखल करत त्याला अटक करण्यात आली आहे. (Cricket betting in front of MLA office in Ulhasnagar, police arrested one)
