VIDEO : बुलडाण्यात कोविड सेंटरमध्ये मद्यधुंद पोलिसाचा धिंगाणा, सोशल मीडियावर व्हिडीओ व्हायरल

बुलडाण्यात कोविड सेंटरमध्ये मद्यधुंद पोलिसाचा धिंगाणा

बुलडाणा : बुलडाण्यात एका कोविड सेंटरमध्ये पोलिसानेच मद्यधुंद अवस्थेत धिंगाणा घातल्याचा विचित्र आणि संतापजनक प्रकार समोर आला आहे. बुलडाणा शहरातील अपंग निवासी विद्यालय कोविड सेंटरमध्ये संबंधित प्रकार घडला आहे. या घटनेचा व्हिडीओ देखील समोर आला आहे. तसेच संबंधित व्हिडीओ सोशल मीडियावर देखील‌ व्हायरल झाला आहे. हा व्हिडीओ बघितल्यानंतर सर्वसामान्यांकडून संताप व्यक्त केला जातोय. कायद्याचे रक्षक असलेल्या पोलिसाचे मद्यधुंद अवस्थेत अशाप्रकारे दमदाटी करणे प्रचंड किळसवाणं असल्याची प्रतिक्रिया सर्वसामान्यांकडून दिली जात आहेत (Drunk policeman misbehave at covid centre in Buldhana).

नेमकं प्रकरण काय?

संबंधित पोलीस कर्मचाऱ्याने एका आरोपीला तपासणीसाठी कोविड सेंटरमध्ये आणलं होतं. यावेळी पोलीस कर्मचारी दारूच्या नशेत होता. त्याने थेट कोविड सेंटरमध्येच धिंगाणा घातला. यावेळी कोविड सेंटरमधील महिला कर्मचाऱ्यांनी त्याला समजवण्याचा प्रयत्न केला. पण नशेत असलेल्या या पोलिसाने उलट त्यांनाच दमदाटी केली. त्याचं हे सगळं कृत्य कोविड सेंटरमधील कर्मचाऱ्यांनी मोबाईलच्या कॅमेऱ्यात अचूकपणे टिपलं. त्यानंतर त्याचा व्हिडीओ सोशल मीडियावर व्हायरल झाला. गेल्या दोन दिवसांपासून संबंधित व्हिडीओ सोशल मीडियावर व्हायरल होतोय.

वरिष्ठ कारवाई करणार का?

विशेष म्हणजे पोलिसासोबत एक आरोपीदेखील होता. पण त्याने आरोपी समोरच हा नंगानाच केला. त्यामुळे आरोपीच्या मनात पोलिसांप्रती असणारी भीती नक्कीच कमी होण्याची शक्यता आहे. याशिवाय बुलडाणा पोलिसांची प्रतिमा देखील या घटनेमुळे मलीन झाली आहे. त्यामुळे कायद्याचे तीनतेरा वाजवणाऱ्या या पोलीस कर्मचाऱ्यावर जिल्हा पोलीस अधीक्षक काय कारवाई करतात? याकडे सर्वांच लक्ष लागलं आहे (Drunk policeman misbehave at covid centre in Buldhana).

पोलिसाच्या व्हायरल होणाऱ्या व्हिडीओत नेमकं काय?

या प्रकरणाचा जो व्हिडीओ सोशल मीडियावर व्हायरल होतोय त्यामध्ये पोलिसाचा धिंगाणा स्पष्टपणे दिसतोय. पोलीस कर्मचारी कोविड सेंटरमध्ये जमिनीवर झोपला आहे. कोविड सेंटरमधील एक कर्मचारी तुम्ही दारू पिवून का आलात? असा प्रश्न विचारतो. त्यावर पोलीस कर्मचारी तू कोण बोलणारा मला? असा अलटप्रश्न विचारतो. तसेच तुमचा इथला इन्चार्ज कोण? असाही प्रश्न पोलीस कर्मचारी विचारताना दिसतोय.

या घटनेचा व्हिडीओ बघा : 

हेही वाचा : 

पोलिसांनी तुमची तक्रार नोंदवण्यास नकार दिला, तर तुम्ही काय करायला हवं? वाचा…

प्रेम केलं, पण पाच निरापराध कुटुबियांना जमिनीत गाडलं, गुंतागुंतीचं प्रकरण