Honey Trap | मिस्टर राजस्थान हनी ट्रॅपच्या जाळ्यात, 20 लाख उकळताना डान्सर रंगेहाथ अटक
पीडित तरुण पाच वर्षांपूर्वी आरोपी राधा सैनीच्या संपर्कात आला होता. सुमारे वर्षभरापूर्वी तिचे लग्न झाले. यानंतर तरुणीने त्याला ब्लॅकमेल करून पैसे उकळण्यास सुरुवात केली,
जयपूर : जयपूरमध्ये हनी ट्रॅपचं (Honey Trap) प्रकरण समोर आलं आहे. मिस्टर राजस्थान (Mr Rajasthan) हा किताब पटकवलेला तरुण जाळ्यात सापडला. अश्लील फोटोंवरुन ब्लॅकमेल (Blackmail) केल्याप्रकरणी राजस्थान पोलिसांनी महिला डान्सरला अटक केली आहे. 19.50 लाखांचा चेक आणि 50 हजारांची रोकड घेताना आरोपी युवतीला रंगेहाथ अटक केल्याचं जयपूर शहरातील संजय सर्कल ठाण्याच्या पोलिसांनी सांगितलं. राधा सैनी असं आरोपी तरुणीचं नाव आहे.
काय आहे प्रकरण?
पीडित तरुण पाच वर्षांपूर्वी राधा सैनीच्या संपर्कात आला होता. त्यावेळी ती मेट्रोमध्ये काम करायची. सुमारे वर्षभरापूर्वी तिचे लग्न झाले. यानंतर तरुणीने त्याला ब्लॅकमेल करून पैसे उकळण्यास सुरुवात केली, असं डीसीपी जयपूर उत्तर परिदेश देशमुख यांनी सांगितलं. पीडित तरुणाने या प्रकरणी तक्रार दाखल केली आहे.
तरुणीकडून पिच्छा सोडवून घेण्यासाठी त्याने वेगवेगळ्या वेळी सुमारे 6 लाख रुपये दिल्याचे पोलिसांनी सांगितले, मात्र त्यानंतरही तरुणीने त्याला खोट्या प्रकरणात अडकवण्याची धमकी देऊन पैशांची मागणी सुरूच ठेवली.
20 लाख घेताना रंगेहाथ अटक
यावेळी तरुणीने 20 लाख रुपयांची मागणी केली. प्रकरण गंभीर होत असल्याने तरुणाने पोलिसात तक्रार केली. 50 हजार रुपये रोख आणि 19.50 लाखांचा चेक देण्याबाबत पीडित आणि आरोपी तरुणीमध्ये सौदा झाला. डीलनुसार आरोपी तरुणी चांदपोल येथे पोहोचली, तिथे पोलिसांनी तिला रंगेहाथ बेड्या ठोकल्या.
संबंधित बातम्या :
चंद्रपुरात हनी ट्रॅपमध्ये अडकला वकील, व्हाट्सअप व्हिडीओच्या माध्यमातून तरुणीने संवादात अडकवले
शिवसेना आमदाराला सेक्सटॉर्शनच्या जाळ्यात अडकवण्याचा प्रयत्न, राजस्थानमधून आरोपीला अटक
गोड बोलून तरुणाला जाळ्यात अडकवलं, मागितली एक लाखाची खंडणी, औरंगाबादध्ये हनी ट्रॅपची केस!