डी कंपनीशी संबंधित सात आरोपींना पोलीस कोठडी, मुंबई सत्र न्यायालयाचा आदेश

तरुणीचा पाठलाग करणाऱ्या आरोपीची निर्दोष सुटका

Image Credit source: TV9 Marathi

ब्रिजभान जैस्वार, TV9 मराठी, मुंबई : डी कंपनीसोबत संबंध प्रकरणात अटक करण्यात आलेल्या सात आरोपींना (Seven Accused in Connection with D Company) मुंबई सत्र न्यायालयाने (Mumbai Session Court) पोलीस कोठडीत पाठविण्याचा आदेश दिला आहे. मुंबई पोलिसांच्या गुन्हे शाखा आणि खंडणीविरोधी पथकाने अंडरवर्ल्ड डॉन दाऊद इब्राहिमच्या डी कंपनीशी संबंधित पाच जणांना अटक केली आहे. एका हॉटेल व्यवसायिकाला धमकी देऊन खंडणी मागितल्याप्रकरणी यापूर्वी दोन आरोपींना अटक केली गेली होती. आज एकूण सात आरोपींना मुंबई सत्र न्यायालयातील विशेष मकोका कोर्टात (Macoca Court) हजर करण्यात आला.

विशेष न्यायालयाने पाच आरोपींना 18 ऑक्टोंबरपर्यंत तर पूर्वी अटक केलेल्या दोन आरोपींना 15 ऑक्टोबरपर्यंत पोलीस कोठडीत पाठविण्याचा आदेश दिला आहे.

चौकशीसाठी आरोपींना सात दिवसाची पोलीस कोठडी

एकूण सात आरोपींना विशेष न्यायालयासमोर हजर करण्यात आलं. मात्र रिमांडसाठी युक्तिवाद करताना या सर्व आरोपींकडून खंडणी वसुली प्रकरण आणि डी कंपनीसोबत लिंक असल्याप्रकरणी चौकशी करण्यासाठी सात दिवसाच्या पोलीस कोठडीची मागणी सरकारी वकिलांकडून विशेष न्यायालयात केली गेली होती.

सलीम फ्रुटला विनाकारण अडकवल्याचा वकिलांचा दावा

आरोपीच्या वकिलांकडून असा युक्तिवाद करण्यात आला की, यात पूर्वी अंडरवर्ल्ड डॉन दाऊद इब्राहिमचा उजवा हात छोटा शकिलचा मेव्हणा सलीम फ्रुटला विनाकारण अनेक प्रकरणात अडकवण्यात येत आहे.

तसेच दुसरा आरोपी रियाज भाटी याला यापूर्वी अटक केली असल्याने त्याच्याकडून चौकशी करण्यात आली आहे. त्यामुळे या दोन आरोपींना न्यायालयीन कोठडी देण्यात यावी अशी मागणी करण्यात आली होती.

विशेष न्यायालयाने दोन्ही बाजूंचा युक्तिवाद ऐकल्यानंतर या प्रकरणात आज अटक करण्यात आलेल्या पाच आरोपींना 18 ऑक्टोबरपर्यंत तर यापूर्वी अटक करण्यात आलेले दोन आरोपी सलीम फ्रुट आणि रियाज भाटी यांना 15 ऑक्टोबरपर्यंत पोलीस कोठडीत पाठविण्याचा आदेश दिला.

भाटी आणि फ्रूटच्या अटकेनंतर पाच जणांवर कारवाई

मिळालेल्या माहितीप्रमाणे गुन्हे शाखेच्या खंडणी विरोधी पथकाने अंडरवर्ल्ड डॉन दाऊद इब्राहिमच्या डी कंपनीशी संबंधित पाच जणांना अटक केली. व्यावसायिकाकडून वसुली प्रकरणी ही कारवाई करण्यात आली आहे. रियाज भाटी आणि सलीम फ्रूटला अटक केल्यानंतर ही कारवाई करण्यात आली आहे.

डी कंपनीचे मुंबईतील सदस्य पोलिसांच्या रडारवर

मागील काही दिवसांपासून दाऊद टोळीतील मुंबईतले सदस्य पोलिसांच्या रडारवर होते. त्यात अजय गोसारिया, फिरोज चमडा, समीर खान, अमजद रेडकर आणि यासह आणखी एका आणखी आरोपीला खंडणी विरोधी पथकाने अटक केली आहे. या प्रकरणात पुढील तपासात आणखी काही महत्वाचे खुलासे होण्याची शक्यता आहे.