VIDEO | दोन कॉलेज युवतींची फ्री स्टाईल हाणामारी; एकमेकींच्या झिंज्या ओढल्या
नाशिकच्या कॅनडा कॉर्नर परिसरात असलेल्या एका नामांकित कॉलेजच्या कॅम्पसमधील ही घटना घडली आहे. दोन मुलींमध्ये फ्रिस्टाईल तुफान हाणामारी झाली. विशेष म्हणजे या दोन्ही मुलींची कॉलेजच्या युनिफॉर्मवर सुरू असलेली हाणामारी सोडवण्या ऐवजी बघ्यांचीच गर्दी परिसरात झाली होती.
नाशिक : कोरोना महामारीमुळे दिड वर्षे ठप्प राहिलेली शाळा, महाविद्यालये पुन्हा सुरू झाली आहेत. शाळा-महाविद्यालये बंद राहिल्याने त्याचा मुलांवर विपरित परिणाम झाल्याचे बोलले जात आहेत. नाशिकच्या एका कॉलेजच्या आवारात घडलेल्या प्रकाराने याचीच प्रचिती आली आहे. दोन महाविद्यालयीन मुलींमध्ये किरकोळ कारणावरून झालेला वाद इतका भडकला की दोघींनी सर्वांदेखतच फ्री स्टाईल हाणामारी सुरू केली. दोघांच्या संतापाला पारावार न उरल्याने दोघींनी एकमेकींच्या झिंज्या ओढल्या. त्यांच्या या झुंजीचा व्हिडीओ सोशल मिडीयात प्रचंड वेगाने व्हायरल झाला असून याबाबत विविध चर्चांना ऊत आला आहे.
वाद नेमका कुठे व कशावरुन झाला?
नाशिकच्या कॅनडा कॉर्नर परिसरात असलेल्या एका नामांकित कॉलेजच्या कॅम्पसमधील ही घटना घडली आहे. दोन मुलींमध्ये फ्रिस्टाईल तुफान हाणामारी झाली. विशेष म्हणजे या दोन्ही मुलींची कॉलेजच्या युनिफॉर्मवर सुरू असलेली हाणामारी सोडवण्या ऐवजी बघ्यांचीच गर्दी परिसरात झाली होती. काही मिनिटे त्यांची हाणामारी चालू राहिली. तिथल्या बघ्यांनी हाणामारीचा व्हिडिओ बनवण्यासाठी कॅमेरे पुढे सरसावले. पण हाणामारी सोडवण्यासाठी रहिवाशांपैकी कुणीच पुढे आले नाही. शेवटी काॅलेजमधील काही मुलींनीच पुढे येऊन दोघींमधील भांडण सोडवण्याचा प्रयत्न केला.
कॉलेज प्रशासनाचे दुर्लक्ष उघडकीस
कॉलेज कॅम्पसमध्ये घडलेल्या या हाणामारीने युवक युवतींच्या सुरक्षेचा प्रश्न उपस्थित झाला आहे. दोन तरुणांमध्ये सगळ्यांच्या समक्ष झालेल्या हाणामारीमागील नेमके कारण अद्याप स्पष्ट झालेले नाही. मात्र या निमित्ताने या कॉलेजमध्ये असलेली सुरक्षा व्यवस्था आणि कॉलेज प्रशासन या गोष्टींकडे कसे सोयीस्कर दुर्लक्ष करत आहे, हे पुन्हा एकदा दिसून आले आहे. याबाबत पालकांनी कॉलेज व्यवस्थापनाच्या भोंगळ कारभारावर नाराजीचा सूर आळवला आहे. (Freestyle fight between two college girls in Nashik)
इतर बातम्या